樓 市 不 敗 之 謎

樓房在中國人心中, 是不可或缺的東西,

沒有固定的地方, 便沒有家.


即使是租屋, 亦想安定下來, 

並不是每每兩年租約後便搬走,

過著現代游牧民族的生活.


香港是比較特別的地方,


樓房除了是自身需求以外, 亦是投資/投機的機會,

所以近年各國大力加印錢紙, 加上各種環境氛圍,

樓房的升值到了不可理喻的地步??


最新成交天水圍, 嘉湖山莊 $7,000呎, 444 萬, 

97年以240萬元購入嘉湖山莊576方呎單位

20年, 200萬回報, 80%, 平均每年4%左右

其實同通漲差不多,

數字上的可觀性, 令普羅大眾更傾向相信"樓房長遠增值"
的概念, 

如果你的投資, 遠超過4% 回報, 就不用擔心20年後買不到樓.

其實所謂的升值, 只是通漲的數字, 

當然, 人口問題, 對土地的需求只升不減. 


最有趣的是, 

近排老媽又作比較, "阿邊個買左間樓, 放租...幾多幾多...."

聽返黎, 係一個比較熟0既親戚(80後人士), 置左業, 

有閒錢投資0者, 都唔係自住需要,


上個星期日, 老媽忽然話, 想俾首期小弟置業, 

0甘當然係細價樓(佢心目中想借9成出租), 

小弟都同佢講, 

"你9成出租犯法0架, 當然有灰色地帶去玩, 

同埋, 你心目中0既價錢, 難0的喎, 要慢慢等同搵...."

與此同時, 好多野要配合....(當然我知佢0既苦心, 呢0的決定唔急得0既)

由此可見....樓市不跌, 是有原因的, 未必真係..只是剛性需要...呵呵..


送上趣聞一則
杭州樓盤開售如戰場

隔 離 飯 香

香港人, 乜都炒一餐

樓, 股, 奶粉, 演唱會飛


老媽近排有點時間, 閒在家,

被 "姨媽姑姐" 招募來排隊,

每人限買 4 張飛的 QUOTA,

成為了黃牛黨的對象....

老媽排了幾次隊, 買不到亦有少少車馬費,

老媽 聽 "姨媽姑姐"講, 黃牛黨上年 一個演唱會 執了幾萬...

而黃牛黨的人不是別人, 正是"姨媽姑姐" 的親兒子.

這人小弟亦認識, 只是估不到他會玩呢0的野而已


老媽家族, 向來是 向"錢"看, 

搵到錢就是好, 就是出息.

有錢就大大聲, 冇錢就龜縮...

都係憎人富貴嫌人窮0個類0架啦..


就係認錢唔認人....


之前有批 搞唔掂0既 "賣剩蔗", 

放左0係大陸, 老媽日娥夜娥, 話成日蝕租,

叫斬鑬唔好玩, 大陸0個邊簽左租約,

點都要到期先搞得掂, 點斬呀?


老媽 仲叫我攞返落香港俾個 黃牛仔散批"賣剩蔗"....

因為之前佢又聽"姨媽姑姐"講 黃牛仔 

唔知賣乜又執到幾多....錢

蝕0個時又講你聽咩?


一黎要運費 同埋 0的貨運落香港好鬼煩

二黎賣唔賣到先?

當然可以成批賣俾佢試下0既..

(講到0甘神, 俾蠅頭小利佢執下, 冇壞0既)

0甘就..真係輸少當羸了..

其實仲有方法, 不過要駛錢去搞...


暗喻 人地的能力就能力, 屋企仔女就一定係唔掂0既..

初創業的苦惱 亦提及過, 最難頂的不是沒有資金,

而是 第一批"勸喻" 要止蝕的人, 多數是你身邊的親人...

洪荒之力

记者：今年淘宝做得怎么样？
商家：我已经用了洪荒之力了。
记者：能不能把你今年的淘宝经历总结一下？
商家：鬼知道我都经历了什么，有时都觉得生不如死！
记者：你是不是对规则有什么意见？
商家：没有没有，我已经很满意了！
记者：今年淘宝经历你自己怎么评价的？
商家：我都不相信自己能活到今天！
记者：有这么惨？商家利益不是都得到保护了么？
商家：可能因为我走心吧，不走量。
记者：感谢您接受采访，再见。


记者：今年  audit 做得怎么样？
big 4 人士：我已经用了洪荒之力了。
记者：能不能把你今年的 audit 经历总结一下？
big 4 人士：鬼知道我都经历了什么，有时都觉得生不如死！
记者：你是不是对规则有什么意见？
big 4 人士：没有没有，我已经很满意了！
记者：今年的 audit 经历你自己怎么评价的？
big 4 人士：我都不相信自己能活到今天！
记者：有这么惨？會計師的利益不是都得到保护了么？
big 4 人士：可能因为我寫字寫得慢掛。
记者：感谢您犧牲下班時間，祝你日日準時放工，再见。

今個奧運，真係冇乜點睇，
但 火出嚟0既 竟然係 “洪荒之力“

這個萬能key , 真係特別，乜都可以中point


其實小弟都潛左水一排。。

做緊乜？

忙緊份正職，又重返舊路， 因為容易搵工。


之前用盡了洪荒之力搞淘寶

得到的成果就是

玩零售，冇本錢就唔好玩，網上亦如是。

經驗黎0既，唔緊要，

都為人生添了點色彩。


今日終於又來了個了斷，

再次證實， audit 呢行真係唔係我玩，

以後點算？

慢慢諗下先啦，

正所謂 山窮水盡疑無路， 柳暗花明又一村。。呵呵。。。

財務自由的反思

最近一星期，

回家途中，巴士上，

不時聽到一些很好笑的對話，

一位中年男士，坐在小弟前一個位，

安頓下來後，打電話，一黎就 噓寒問暖，

似 r 水吹，殊不知中間攝左句 “最近有咩好路數？”

露了底，應該係搵著數，

但吹下吹下，冇咩特別，

最爆0既係，佢一句

 “x你老x, 日頭曬得滯，咪唔返工囉，又唔係等錢駛”

聽落去，原來佢係做樓宇外牆維修工人或判頭0個類，

會因應唔同時間去邊度做，有陰影遮蔽就做下，

有太陽曬，就去另一邊做0甘樣。


不知讀者有何感受，

但肯定的是，佢識用腦在工作上。


其實我們對財務自由的嚮往，

是可以有選擇，未必是選擇自己喜歡的，

而是可以拒絕自己不喜歡的工作。

如果好似上述人士0甘，

又算得上財務自由嗎？

居住在功利主義的香港的 台妹

在香港生活的台灣女孩：居住在功利主義的香港，有多少台灣人願意？
轉自yahoo


時不時聽到 香港人很想逃離,

但逃離的前提是,

因為這裡找不到自我價值 還是 羊群心理, 反正就是想逃避?


逃避, 避得一時, 避不得一世,

正如 97前移民潮, 香港人大舉出外移民,

到 美, 加, 澳......做二等公民, 值得嗎?

很多人都回流回港, 始終二等公民, 很多機會都不是你的.


沒有歧視? 真係天真過 天真嬌...

當面對 大陸人, 叫他們滾回大陸的時候,

呢0的就唔係歧視?

在美,加,澳....當地人一樣會叫你滾回香港

所以





更加有趣的是, 如果一發現 某地方不好, 就逃離,

每個國家地區都有 好/不好 的一面,

是否一直逃離? 最後要上火星？

台灣的實情


至於尋找自我價值, 很多時候與工作互相緊扣

香港社會的轉型，又或者畸型，

能否在此找到工作的滿足？

視乎行業吧！

為尋找機會遠走他方，無可厚非。


文中的大義:

「我希望大家在移民之前，想一下作為香港人，你到底為香港做了什麼努力？而不是只因為看到這個地方越來越爛，所以就毅然決然跳槽。」


當然, 工作的部份 亦影響 去或留 的決定


好笑的是，而家所謂經濟差了，

仲有冇傳媒去做呢類新聞？

可以見到，真正要走的人，

其實無論如何都會走，

數字上有得統計，

羊群心理的人，而家睇怕都為左自保，

冇心情嚷著要走，你懂的。。。

贏 在 射 精 前 ？

前幾天的 大台節目，

講及催谷小朋友，

做到要 ‘ 贏在射精時’，

這位母親的理據就是

好的學校會因為 出生月份而制定配額從而收生，

所以要計劃小朋友出生日期，

往後再推算何時行房，何時受精，

所以 男性射精的一刻 已決定了小孩的人生路

小弟覺得這個理由幾好笑



落地喊三聲， 好醜命生成，

當靜下來想一想，

她說得沒有錯的，

但理由不是學校的抉擇，

而是，每人的八字，

都是 由受精日期開始計算，

出生時已經算一歲，

這就是八字派別的學說。

所以確實是贏在射精時。



有人希望贏在起跑線，

創做最有利自己孩子的成長環境，

所以不少人會擇日生產。

但生命的微妙，是預計不了。


據聞開刀生產的初生嬰兒，

欠缺了自我掙扎出來的力氣，

體質一般比較弱。

所以就算 算準了 一個會發達的八字，

都會遇上意外，who knows?


師傅教落，不會幫人擇日生產，

什麼才是對孩子好？ 沒有絕對的

自然生產比較好，

命裡有時終須有，

就算極差的命格，總有幾年好運，

不會成世都0甘差


錢多就好？

錢財多，可以身體弱，

父母緣薄，感情生活差

可以窮得淨下錢，但心底可以渴望家庭的溫暖

父母冇權替孩子決定命運，

越是計算，失去的是超乎你所想的。。

獅 吼 功

某日搭地鐵

工人姐姐帶住一個細路返學

著住幼稚園校服，

開頭工人姐姐抱住少主，

之後累了，

把少主放低，由他企在身旁，

工人姐姐同少主講，我抱左你好耐，

雙手無力了，

忽然少主大聲就扭計，

以哭非哭 的獅吼功 震撼了十三億人，

後來，

工人姐姐見到有座位，

叫少主自己坐下，

少主繼續震撼十三億人

工人姐姐只好坐下抱住少主，

到出了地鐵，工人繼續抱住少主，

不知又發生何事，

少主再度出獅吼功

之後小弟就冇眼睇了。


從中可看到，主人是如何煉成的，

交給傭人，無論男女，

大多變成 有求必應，

很多事情， 用命令/方法 就可達成

在他們腦海中， 是不用花氣力去換取，

只要開口就可以得到全宇宙。


有時客觀環境下， 夫妻要工作，

但基本的育兒 都要慢慢去教化，

不能完全交托傭人之手，

小孩只是一張白紙，

不及早播下好的種子，

出來難受的不是別人，

而是最親的親人。

期望 與 落差

以前在澳洲讀書時，

有一個宿友， 很迷戀飛機，

成日話自己好適合做機師，

但最好笑的事， 他是讀 medical science，

（當然冇問題， 但他是有點眼高手低的人，

經常懷愐中學時代的風光， 名校生喎，唉……)

這科是我們大學出名難讀，

這位人兄，比正常花多了一年半才讀完。

畢業返港之後， 找了一輪工作，

當然他有報名及面試 香港最大航空公司 

見習機師，

最後完了他的夢，終日對住飛機，

但工作是 中東某航空公司 的 營運部的員工，

而且仲要係外派到 一處鳥不生蛋的地方， 中東


民航機師，

是令人 趨之若鶩 的職業

是他們的工作性質令人有幻想？

可以周圍飛？

可以成日在空姐堆內玩樂？

還是他們的待遇 令人覺得是 理想工作？


作為旅客，很少機會接觸機師，

只能從廣播中聽到他們的聲音，

很是神秘。


2014年的數字

Second officier 50,000

First officier 70,000

Vice Captain 90,000

Captain   140,000

http://the-sun.on.cc/cnt/news/20140216/00407_057.html

在香港生活， 這數字看起來不錯吧？

細心諗下，
這些是 未扣除 稅款及mpf

以人工 50,000為例，

稅款：

600，000 年薪

Mpf : 1500 x 12 =30,000

600,000 - 30,000 -132,000(免稅額) = 438,000

頭 120,000 交 8,500

之後就 16% (318,000 x 16%) 50,880

一年交 59,380 稅

完全可以淨袋0既：(600,000 - 59,380 - 30,000) = 510,620

每月 42,551

以今時今日，香港生活指數，

呢個數高唔高薪？

心照啦，航空公司仲要冇雙糧0架，

bonus? 可以係雞碎0甘多


個人黎講咪ok 囉

多個人要照顧， 都有點窄窄地

但可能覺得會升級搵多0的，

可以， second -> first

同樣地交完稅， 你會冇左 個半月人工，

即係出 10個月糧左右 80% 左右啦

但另一回事， 升級，唔係一定的，

據說， 可以一世做First officier 而升唔到

另一方面就是，工作要求，

經常地要評該，

無論 公司內部 或 民航處， 大量考核等住做，

盞唔盞呢？ 你話呢？


文章中提及，花十一年升上機長，

即是十年左右，薪酬會到達頂點，

之後仲有冇得再加人工？

好似冇囉……

值不值得，閣下自理，

但至少要喜歡這樣的工作環境， 才可以待這麼長時間


每個職業的頂端，薪酬都是吸引的，

但自身能力可以到達頂端嗎？

0甘就要自我評估一下，

如果只為薪酬入行，

入左去都會好快出返黎


無錯可以周圍飛，

師奶劇情中的四處玩樂？

咪玩啦，早期可能會能會係0甘

已經冇左十世，

現今航空公司只會俾機師 minimum 休息時間 24 個鐘


之後又要飛, 

可以選擇唔訓而走左玩0既，

0甘不負責任，都唔0岩做機師，

事關幾百條人命0係機師手上……


聽聞有某些航班是可以逗留耐一點，

但不常見，因為逗留是要付 allowance

航空公司當然 cut至最盡啦。。。


至於接觸空姐，

是很多男性的幻想/夢想，

是的， 機師是可以有機會接觸到，

但是否 像cool 魔那樣誇張？

據傳， 機師 高矮肥瘦， 乜都有0的

只是像普通人

（點解？ 因為經常日夜癲倒，影響肝腎功能，

所以做到機長，多數都係光頭）



為何空姐多數嫁機師？

同行，工作上的壓力可以分享，易溝通

同會計師，醫生，教師一樣， 多數情侶都是同行


當然，當上機長年薪過百萬，

是張長期飯票，但都是賭一鋪

因為空姐周圍飛，壓力不少，

同埋青春有限，好多時都想停下來

想做機師？

key 張相易0的喎

審 計 人 員 的 勞 動 節

勞動節的意義大概是表揚勞動人士的辛勞


勞資雙方，

永遠在對立層面，


國泰的工業行動的主因，

公司賺了錢，但政策出來只是肥上瘦下，

更甚的是，很多政策出來是慢慢陰乾僱員，

工會按照情況去作出判斷，作出相應行動，

所以工會的力量，某程度上保障了勞工權益，


但哪些沒有公會的僱員呢？

便依照個人的選擇去抉擇，


就像小弟撈開的行業，審計

行業人數其實是足夠，

但偏偏很多公司會出盡辦法去搾乾搾淨

在行內，OT, 已經不是一個問題，

只是 OT 多少而已，

還要分 有補假 或補錢 的類型，

但補償多少， 如何補， 亦決定在高層


大公司， 沒錯是可以向顧客收費多一點，

但OT 完了，批不批，取決在 recovery rate

recovery rate =  total cost / audit fee

大公司多數要求 recovery eate 70~80%以上

但 charged hourly rate 係好誇張，

新人 以 12，000 計，

20日， 8 個鐘，實際即係75蚊一粒鐘

但公司寫 新人每個鐘係 150

所以，一入行，就要 被訓練 成 一個人做兩人份的工作

這樣扭曲了的心態，聽起上來沒有什麼，

但年復年， 日復日，

身心俱疲下，如何做好一份工？


香港會計師公會是有的，

但從事 審計 會計 的僱員，

很多都不是會計師

多數會計師，都是僱主，

就算不是僱主， 多是高層，

一定沒法反映真實情況


其實香港的金融業，

某程度上是靠審計 這班 無名英雄去守護

沒有他們的捱更抵夜，

年報出不了，

當然， 年報中的數字， 水份多少，

我們心裡有數，但至少有客觀數字上的比較


金融從業員， 可以有飛黃騰達的一日，

但審計人士？ 有冇聽過？

在世人眼中， 審計是一個不錯的行業

但他們只有，  OT, OT, 再 OT，

無盡黑暗的無間地獄，

以前就話， 細個唔讀書， 大個做運輸，

而家就係 今世做審計， 一定冇發圍

非 法 集 會?

某一下午, 

一大班人聚集在某商業大廈某一單位內,

年紀不一, 有的上了年紀,

有的比較年輕, 有男有女,

有的在房內, 有的在房外等待...

究竟搞緊乜?


當中有一位打扮得比較前衛, 

上身的緊身衣, 令他的肌肉線條展現出來,

令人不禁會對他的性取向有點懷疑。


他在房內忙著，

忙著向房內的十數人解釋某事情，


看著在外等待的人，

聽到到一些端倪， 

到此為了簽收某些東西


最匪夷所思的是，

此地方只是租回來的一個會議室

究竟是簽收咩野？

要搞到一大班人聚集在此？

真係毫無頭緒。。


翌日下午，

如昨日的情況又再出現，

更多人聚集等待簽收，

中年男人， 中年女人，

年輕人士， 各式各樣都有

出出入入， 好不忙碌，


有人進會議室的時候，

那些主要人士開口問，

xx, 你知唔知道你黎簽收邊間公司的優先股？


做左0甘多年account， audit，都好少接觸優先股，

好 好奇，搞乜鬼？

無啦啦整優先股，有0的野喎，

仲要0甘多人玩。。。事有蹊蹺


最後聽到他們解說 ‘拿， 會有investor loan 0既’


十不離九了，

我不敢說一定是騙案，

但一定是利用 私人公司 最大人數限制 50人，

去做類似 集體投資 的事情


至於優先股， 多數係用黎令股東安心，

至少會派定息俾佢地先



但世界邊有0甘大隻夾乸隨街跳丫？

只可以說，

神棍， 最多呃你一萬幾千，

呢類集體投資？

呃你一百幾十萬， 閒閒地

只能講句， 又一班受害人


老千講， 鬼叫你地貪心呀？

力不到， 不為財，很簡單


受害者亦不是沒有社會經驗，

但為何中招？

越窮越見鬼，

窮人成日想一朝發達，

所以老千利用此來 引誘



龐氏騙局

相信很多人都知道, 

但為何老千總是可以新瓶舊酒地一騙再騙?

原因在於 貪婪...

人性的貪心， 不勞而獲

試問有誰可以抵抗 坐著收錢 的誘惑？

淘 寶 的 現 況

一般來說,

做生意就是賺取 買賣的差價,

( I ) 同A 買貨@10 

( I I ) 賣俾 B @15

淘寶的出現, 令 ( i i ) 電子化, 

手機的普及化, 更加令淘寶加速爆發 中國的內需,

大家都知淘寶為何物, 不在此講太多...


但內裡的問題 有否想過?


1) 單一平台 

作為披荊斬棘, 生存下來的電子企業, 淘寶當然有其獨特之處,

但隨著要與世界接軌, 民眾的思想越來越成熟, 

利之所在, 亦會趨生另一些商業平台, 

中國政府, 現在比較放手給 民營企業,

當然有一定的規範, 

往後的發展應該會是, 電子平台湧現, 汰弱留強...



2)指標化, 衍生出的問題


所有賣家, 都是靠 排名 搵食,

但最重要的是 排名 是怎樣產生?

就等於 港鐵的可加可減機制 formula.......

你永遠都不會知, 因為淘寶是會隨時變 formula...


其實他們同普通街鋪冇分別,

多人排隊, 多人買野 就係好鋪,

所以 做假, 是不會熄滅的火,

絕對係 雞 同 雞蛋的關係


沒有人, 就沒有成交, 

沒有成交, 排名就低, 就沒有人


小賣家如何生存?
會不會做假?

自行判斷吧...

網上那些文章, 教你如何營運?

其實都係廢up, 鬼唔知阿媽係女人?

咩如何 "如何吸晴?" "如何提高支付率?"

我夠知0的圖 同內容要吸引先得啦...


更甚的是, 扶持小賣家的活動越來越多規則

最後如何決定你是好賣家, 從而讓你 上 官方活動?

好明顯都是分析所有數據, 

當中銷售數字是否佔大比重?

心照啦....


俾0的數據大家

即係會考要攞 B 以上, 先可以入圍 呢個 "小賣家特賣場"

所有數據, 當中銷售數字是否佔大比重?

可能未必, 但數據可以做出黎, 砌靚佢...

同我地以前AUDIT 冇分別....真係好笑

所有參賽者都要互劈至..6~10% 才可進入特賣場

因為都係好明顯 SET 好FORMULA 黎 SCREEN OUT

3)制度訂出來的標準

因為要規範化, 要解決灰色地帶,

所以, 私人名義鋪, 一定會沒落(慢慢陰乾)

所有野都要登記,

公司名ACCOUNT, 就會扶植一下,

方向就是要所有鋪徵稅,


私人鋪存在假貨, 代購, 避稅的問題, 

但其實, 上有政策, 下有對策,

禁止不是最好的解決方法.

因為道高一尺, 魔高一丈,

錢可以解決好多問題,

利誘向正常途徑才是出路...


試想如果 淘寶所有鋪都是公司ACCOUNT,

當然易控制, 但到時它的賣點, 將會是香港商場0甘樣了..

現時小弟所接觸的是...平台越來越多,

淘寶的模式, 看來會有翻天覆地的變化了....

金像獎 的 背後

今屆的金像獎, 踏雪尋梅 橫掃獎項,

可能很多人都不知道為何

最佳新演員
最佳男配角

會落在一個很陌生的名字上, 白只...

今日不去討論男主角及女主角,

因為沒看此片, 評論不了

但成功非僥倖

大家可能很少聽過 白只 這名字, 

因為他並沒有在大台演出,

亦沒有在電影出現,  

演藝學院畢業, 學院派

他的出身是 獨立樂隊的結他手, 

但在舞台劇的磨練,

成就了 他在電影 一炮而紅,


舞台劇的即興, 與觀眾及對手的互動,

比電影更要精準...


早幾年, 小弟有幸看到他的舞台劇 《囍雙飛》,

當時他的演出已經純熟自如,

已在劇界嶄露頭角,


所以今次他的得獎 絕非偶然,

是經歷了很多才換來的認同....


亦證明了, 條條大路通羅馬,

沒有大台的訓練, 到達電影這個試練場,

只要有實力, 誰都可以發光...

當然要時地人的配合, 亦係所謂的運氣…

機會是留給有準備的人。。。

耳相 實戰篇

講左0甘多理論,

耳相 一

耳相 二

都要搵人黎睇下......

就攞後生一輩的紅人做下示範


梁天崎

綜合特點:

耳門窄 耳門窄, 量小識狹?  疑心大, 不容易信人

耳白似面 耳白如面, 名滿天下

耳廓突 反耳廓  有鬥心, 冇0甘容易放棄

有耳珠, 得貴 (有人支持)

廢話唔講，睇下佢自己0既意見啦

黃之峰 又如何?

耳高, 名高, 2014年 時代雜誌 封面

何謂高? 正常是耳最高處在 眉眼之間,

差不多貼眉已算高, 

耳高的特性, 還有.....衝動....


學民思潮, 他是領軍人物, 

一聲令下, 人人衝入政總, 佔中開始了...



比較一下, 梁天崎 同 黃之峰, 

本土派 vs 時代雜誌 封面

黃之峰 傾向以闊視野去 解釋他們的行為

梁天崎 則以本土自身視野出發為主


這些大概就是 耳門闊 與 窄的 分別,

我係乜乜乜：我係大中華膠?

又是中港矛盾的話題,

近日激化的是 某書店 的人被失蹤,

秘密執法 只是中國才有?

美國沒有特工?

英國沒有特務?

其實只要是情報收集, 就會有特別人士去執行任務


真係笑你ON 驚你嬲,

睇左0甘多 007, 以為真係電影先有0既情節?

做得出, 就預左有後果,

等同你買股票, 之後唔會理後果咩?


經常去試探別人的底線, 

應該要知道後果,

你鬧香港政棍冇問題,

中央俾你鬧飽佢.....

但國家的權力核心, 你要動搖....

咩黨都插死你啦.....

層次唔同, 後果自然不同了....


以為美國好自由?

0的白人一樣歧視黑人.....

斯諾登 洩密政府資料, 即時被通緝..

無一個國家唔會維穩....

維穩有錯? 美國可以做, 中國唔可以做?


片中的測試, 其實有點諷刺.....

當冇關聯的詞語併在一起,

人的意識上會自己聯結上,

正如上圖, 角度會影響了整幅畫,

政治, 意見亦如是...

香港是一個看似 很自由的城市,

但部份人只看一份報紙的角度,

觀點自然慢慢滲了入血,

真不知道何時開始, 

香港人不知不覺地被傳媒 愚弄了

赤手空拳 打天下 (一)

話說正職被ko之時,

是來的有點快了一點, 

其實早於九月左右已經有了據點,

用作貨倉及寫字樓...

2015年初, 親身了解過一間 "淘寶託管" 公司,

確實他的規模不小, 小弟亦極需要一支盲公竹,

所以委託了這間公司幫助我開展事業,


開淘寶店要咩技能?

1. 網店0的設計唔多唔少都要識少少 (可以用錢解決0既..) photoshop effect 網上好多教程, 如何掌握, 真係要慢慢玩

2. 貨源, 大陸同香港唔同, 好多事好煩, 
       如何通關經常是香港商家的煩惱
       當然都係錢可通神

3. 客服, 當然可以自己做, 同正職一樣, 8點~8點

4. 快遞, 0的客一左落單, 就會催


上面只是日常運作需要的技能

如何突破衝出去, 又是另一些技巧


這網絡世界, 資訊其實是透明的,

成功突破的人, 不是沒原因的,

要如何做, 就要 觀察 + 分析......


其他的事情都要 目的為本....

生存(有收入) 是首要....

95%創業死亡率, 是因為不身在其中,

看不到苦況, 經常過於樂觀,

當然資金大小亦是成功生存與否的重點

我 的 咸 魚 時 代 (下)

第四截，其實都係家庭式，
至少有0的經理，有商有量，
做下去亦不大問題，
但慢慢地公司的問題陸續浮現,
有人弄權, 其實我不明白的是,

0甘0既公司, 都有人鍾意弄權,
有咩權好爭呢? 
(可能係得閒得滯, 
宮廷內都係太無聊先弄權)

冇料0既就扮勁, 
完全唔理實際情況 去處理
對住大老闆就 烚熟狗頭,
成日笑騎騎, 放毒蛇,

我稱他為太監,
只為服侍他的主子

太監當然有他的黨羽,
順他者生, 逆他者亡
物以類聚, 人以群分,
黨羽自然有太監的性格

詳情可看 辦公室 的 太監師徒 I


第四截同事篇:

波譎雲詭辦公室 GENTLEMAN
波譎雲詭辦公室 2
波譎雲詭辦公室 3



第五截 蚊型公司, 本身都諗住創業,
所以預算不會留下太久, 落戶在蚊型公司,
最適合不過, 點都估唔到留左差不多 4 年0甘耐,

老闆係 日本中年女人, 美國留過學
間公司係承繼佢老爸0既,
基本上所有客都係承繼,
加埋少少自己朋友客,
完全唔接街外客.

佢完全冇呢行0既專業背景, 
只懂大約的流程,
基本上, 專業知識的事情,
都是留給我去處理

一開始都有一位同事,
去處理0的鎖碎事情
不過呢位同事 好有問題,
很難合作
之後他還自己ko 唔撈

結果就是所有野幾乎都是小弟處理

當然, 老細也經常遲來 早走,
我亦處理所有事情,
乜都關我事,
準時出糧, 做條咸魚
又可以接受0既...

呢個情況維持了2年多,
她安排了她自己個女 入黎做,
但是 乜野師傅 就成就乜0既徒弟,
自己都半桶水, 佢個女梗係連半桶水都冇,

根本佢個女, 無心向學,
有錢俾佢出國, 可以大學都讀唔完就返香港,
係公司一樣hea,

其實老細都唔係好得去邊,
根本就唔專業,
又唔去搵客, 到呢幾年,
好多客都唔滿意佢收得貴,
走0既走, 摺0既摺,

佢自己都hea 爆, 一年至少有六星期出國,
出國唔係為公事, 係為享樂,
係咩一年兩次0既運動比賽, 
同埋聖誕節去旅行
個女就學到佢十足, hea 爆

一年執 兩球左右,
都唔知執得幾多年..

我被ko 的原因好過癮,
創業0既事情被她知道,
她給的原因就是, 唔俾有兼職超過一半時間

當然, 我應該係冇能力去兼顧

其實有時佢處理方法好有問題,
要趕0既唔趕, (政府deadline)
唔趕住0既就狂催 (0的客一催就捽我)
我得一對手, 可以點?

係政府deadline 前 ko 我...
後果佢自己諗啦...
我亦冇後悔,

中年女人..都係麻煩0架啦...
一時一樣...搞到人都癲,
雖然準時出糧0者,
但人工...真係唔掂...(以年資計)

日本公司好做?
未必, 現時在港的日本公司
其實都賺不了大錢,
所以福利其實不過不失而已

完全看不到前景下,
結束小弟在 呢一個冇前景的行業,
至少小弟冇優勢, 只能永遠在低層打滾

倒不如放手一搏,
試下行得有幾遠仲好...