香港人, 乜都炒一餐
樓, 股, 奶粉, 演唱會飛
老媽近排有點時間, 閒在家,
被 "姨媽姑姐" 招募來排隊,
每人限買 4 張飛的 QUOTA,
成為了黃牛黨的對象....
老媽排了幾次隊, 買不到亦有少少車馬費,
老媽 聽 "姨媽姑姐"講, 黃牛黨上年 一個演唱會 執了幾萬...
而黃牛黨的人不是別人, 正是"姨媽姑姐" 的親兒子.
這人小弟亦認識, 只是估不到他會玩呢0的野而已
老媽家族, 向來是 向"錢"看,
搵到錢就是好, 就是出息.
有錢就大大聲, 冇錢就龜縮...
都係憎人富貴嫌人窮0個類0架啦..
就係認錢唔認人....
之前有批 搞唔掂0既 "賣剩蔗",
放左0係大陸, 老媽日娥夜娥, 話成日蝕租,
叫斬鑬唔好玩, 大陸0個邊簽左租約,
點都要到期先搞得掂, 點斬呀?
老媽 仲叫我攞返落香港俾個 黃牛仔散批"賣剩蔗"....
因為之前佢又聽"姨媽姑姐"講 黃牛仔
唔知賣乜又執到幾多....錢
蝕0個時又講你聽咩?
一黎要運費 同埋 0的貨運落香港好鬼煩
二黎賣唔賣到先?
當然可以成批賣俾佢試下0既..
(講到0甘神, 俾蠅頭小利佢執下, 冇壞0既)
0甘就..真係輸少當羸了..
其實仲有方法, 不過要駛錢去搞...
暗喻 人地的能力就能力, 屋企仔女就一定係唔掂0既..
初創業的苦惱 亦提及過, 最難頂的不是沒有資金,
而是 第一批"勸喻" 要止蝕的人, 多數是你身邊的親人...
最近一星期，
回家途中，巴士上，
不時聽到一些很好笑的對話，
一位中年男士，坐在小弟前一個位，
安頓下來後，打電話，一黎就 噓寒問暖，
似 r 水吹，殊不知中間攝左句 “最近有咩好路數？”
露了底，應該係搵著數，
但吹下吹下，冇咩特別，
最爆0既係，佢一句
“x你老x, 日頭曬得滯，咪唔返工囉，又唔係等錢駛”
聽落去，原來佢係做樓宇外牆維修工人或判頭0個類，
會因應唔同時間去邊度做，有陰影遮蔽就做下，
有太陽曬，就去另一邊做0甘樣。
不知讀者有何感受，
但肯定的是，佢識用腦在工作上。
其實我們對財務自由的嚮往，
是可以有選擇，未必是選擇自己喜歡的，
而是可以拒絕自己不喜歡的工作。
如果好似上述人士0甘，
又算得上財務自由嗎？
講左0甘多理論,
耳相 一
耳相 二
都要搵人黎睇下......
就攞後生一輩的紅人做下示範
梁天崎
綜合特點:
耳門窄 耳門窄, 量小識狹? 疑心大, 不容易信人
耳白似面 耳白如面, 名滿天下
耳廓突 反耳廓 有鬥心, 冇0甘容易放棄
有耳珠, 得貴 (有人支持)
廢話唔講，睇下佢自己0既意見啦
黃之峰 又如何?
耳高, 名高, 2014年 時代雜誌 封面
何謂高? 正常是耳最高處在 眉眼之間,
差不多貼眉已算高,
耳高的特性, 還有.....衝動....
學民思潮, 他是領軍人物,
一聲令下, 人人衝入政總, 佔中開始了...
比較一下, 梁天崎 同 黃之峰,
本土派 vs 時代雜誌 封面
黃之峰 傾向以闊視野去 解釋他們的行為
梁天崎 則以本土自身視野出發為主
這些大概就是 耳門闊 與 窄的 分別,
又是中港矛盾的話題,
近日激化的是 某書店 的人被失蹤,
秘密執法 只是中國才有?
美國沒有特工?
英國沒有特務?
其實只要是情報收集, 就會有特別人士去執行任務
真係笑你ON 驚你嬲,
睇左0甘多 007, 以為真係電影先有0既情節?
做得出, 就預左有後果,
等同你買股票, 之後唔會理後果咩?
經常去試探別人的底線,
應該要知道後果,
你鬧香港政棍冇問題,
中央俾你鬧飽佢.....
但國家的權力核心, 你要動搖....
咩黨都插死你啦.....
層次唔同, 後果自然不同了....
以為美國好自由?
0的白人一樣歧視黑人.....
斯諾登 洩密政府資料, 即時被通緝..
無一個國家唔會維穩....
維穩有錯? 美國可以做, 中國唔可以做?
片中的測試, 其實有點諷刺.....
當冇關聯的詞語併在一起,
人的意識上會自己聯結上,
正如上圖, 角度會影響了整幅畫,
政治, 意見亦如是...
香港是一個看似 很自由的城市,
但部份人只看一份報紙的角度,
觀點自然慢慢滲了入血,
真不知道何時開始,
香港人不知不覺地被傳媒 愚弄了
前文可看
邪教信徒 的 情與義...1
再看邪教信徒...2
邪教信徒...3
邪教信徒...4..(完結+後記 )
最近要處理資金周轉的問題,
到了差不多絕境,
一定要call 呢個資源出黎,
做行動前, 當然要有準備
文件上, 小弟有 他的借據 + 住址證明
首先, 聯絡了某位朋友, 問了私人幫小弟收數,
應如何做...(plan b)
第二, 為了證實呢位 "信徒" 的資料正確,
上土地註冊處網站 一查, 現有地址依然是他的,
第四集, 提到, 佢話唔掂要賣樓, 0甘叫賣樓?
不過, 已經證實左佢仲住0係呢個地方,
即係最壞情況, 要俾人收數, 去0個度都可以搵到佢..
之後就發信息叫佢還錢, 如果唔還, 交托收數人士,
當日佢回覆信息叫我打電話搵佢,
佢話有野要傾喎,
打電話俾佢, 講返數目0既問題,
之前還左 四分之一, (第二集)
佢話有張保單幫你交左, 計唔計?
每月其實有份儲蓄+人壽 係佢0既 (5百幾)
(第二集)講到, 我有幫佢買份term 一年,
今年唔諗住續, 所以有一大堆催交保費的信,
我就話, 呢份單, 我冇諗住續,
係你冇經我同意下, 你自己交左only,
梗係唔認數啦...
佢又再講, 2日內還, 冇問題
但要我份儲蓄+人壽 呢2年內唔好cut,
我覺得可以接受, 所以就應承左,
其實佢0甘講, 已經暴露左佢0既弱點,
緊張份單, 為左單, 乜都可以
到左還錢當日,
0係 ATM 過左數後,
佢就話, 食個飯啦,
坐低傾下閒計,
我亦冇透露 我正職被ko, 出來搞生意,
小弟提及經濟差, 及不想再做咸魚,
呢位信徒竟然 用過時的資訊 去講國情,
話內地好多土豪,
去酒樓食野, 叫要最貴0既野,
我當時心諗 你真係當我傻0架喎,
我唔出聲, 唔代表我唔知..
重頭戲來了, 食完飯,
再整份 醫保宣傳單俾我,
以為又可以ko 我, 去執返多少...
第一時間, 想用nlp 手法對付我,
嘗試用盡方法去拉近身體同感情距離,
打感情牌, 可惜的是, 他已經被看穿
佢再嘗試用身體需要去說服我,
小弟身型是有點胖,
話咩見到你眼肚下有少少紅,
有少少三高跡象喎,
呢位信徒完全錯0西,
心情真係有如下圖
搵呢0的似是而非0既
語言偽術(江湖術士的招數) 黎 蒙混過關?
你唔好彩啦..
佢估唔到我最近有上堂學 相學,
你大我呀?
真係睬佢都有尾...
還完錢之後,
三日唔埋兩日
又發信息, 又打感情牌,
話咩 想要個partner keep住去做下運動,
運動係要做, 不過小弟enjoy 自己獨處的時間囉..
煩到死, 最後 block 左 佢個 whatsapp,
完全certified
綜合了所有資料,
說話確實是只佔溝通的 5%,
行為又如何? 身體最誠實吧...
NLP 不是沒有用, 只係 Perception 一旦形成,
很難去 180 度改變....一個累積了的印象
好少入場睇 動畫,
今次聽人講過呢套電影,
覺得頗有趣, 才買飛入場看
廣東話版,
可能冇原裝0甘深入,
但以細路為目標群眾,
入場笑一下 及 了解人的性格如何形成都 可以接受
此電影, 可深可淺,
在乎你如何看待,
先講下淺的一面,
表達出, 喜怒哀樂, 情緒的慣常,
令性格形成, 當沒有了快樂的時候,
其他情緒就主宰了,
繼而互動產生各行為...
即係, 咩人諗咩野...
深的一方面是
當我們認定快樂是能量的泉源時,
這概念其實只是 "被灌輸"
但可能負面情緒的發洩, 才是出口...
有時我們自身亦會混淆了,
正常是, 所有情緒我們都俱備,
選擇哪個出口時, 應該更隨心,
不要為 "被灌輸" 的 道德高地所限制
小弟亦有親身經歷,
可以看看舊文
邪教信徒 的 情與義...1
再看邪教信徒...2
邪教信徒...3
邪教信徒...4..(完結+後記 )
正向能量是一個角度而已,
有時我們更加需要與魔鬼共存,
接受魔鬼的存在, 並不代表受它操控,
因為人性的關係, 永遠都擺脫不了...
此電影, 老少咸宜
ENJOY IT
大約十年前, 初出茅廬
見過唔少工, 唔少公司,
直到第一個OFFER, 應該不下 50 次面試經驗
雖然畢業0既大學, 0係澳洲排名前5,
但香港0既僱主唔知係乜黎....
香港係一個疑似OPEN 0既城市
口裡說OPEN, 實情係不能
試過見不是本科的工作,
可以真是命水0既問題(應該講...係說服不能)
最後小弟都係無奈地做回大學本科有關0既工作
有0的經驗 真係特別到而家...都仲有印象
1. 問你 "識唔識打麻雀?"
聽到之後, 真係 O 0西咀, 我以為我聽錯...真係..毫無頭緒, 因為見0既工作只係初級 本科文職工作
普遍來說亦不用應酬客人,
定係想我做應酬客人0既工作?
見面當中亦冇提及..要做此類工作..
真係....爆0西趣
2. 當時係咪識左個法國女友?
因為小弟在外修讀的科比較雜,
有一次面試有2個考官, 應該係公司0既高層,
Review 完 CV,
因為有科法文2ND COURSE, 拿了CREDIT,
有點挑逗性0甘問,
"當時係咪識左個法國女友?
如果唔係, 冇可能攞到0甘0既成績"
當然係答, 當時比較出力, 花了多點時間功夫而已
心諗...我都想呀...
但你都傻0既.....係同唔係....都唔關你事啦...
實情係, 第一個SEM, 讀左1ST COURSE,
跟唔上, DROP 左,
之後用課餘時間去練習 GRAMMA
查字典, 去了解1ST COURSE 0既 MATERIAL
基礎打好了,
所以先有2ND COURSE 0既 CREDIT
3. 0甘多同MAJOR 冇關0既科 / 語言?
到左幾年後, 去香港某大上市公司面試....
遇到差不多0既問題,
點解你會修讀0甘多同MAJOR 冇關0既科 / 語言?
出自一位...30~40 歲0既女性INTERVIEWER 口中...
原來大學 一定要讀0西所有MAJOR RELATED 先得0架?
0甘即係一個MAJOR 一定要全部都要有關0既科,
唔可以有偏差?
0甘...我都幾孤陋寡聞喎......
真係...笑你ON 9 驚你嬲...
而家好多人迫0的仔女, 多元發展,
但到角色轉換 0既時候,
就QUESTION 人地點解唔專讀一科0既野..
精神分裂嗎?
定係想我答你, 涉獵多0的可以認識多0的唔同文化...
即係想我串你......你眼光狹窄?
文化上0既差異, 唔明白, 會出好多事....
即係...
你帶香口膠去新加坡, 會罰你錢,
澳洲入境時唔可以帶生果, 帶左, 一樣會罰你錢
你去法國同人講英文丫...人地9 理你....
印度 "左手骯髒, 右手乾淨"的文化....
甚至, 日本人的 "永不說不" 的文化...
又應不應該知呢?
問得呢0的 ON 9 問題0既人, 真係溝通不能,
遇到呢類INTERVIEWER.......真係人都癲......
大上市公司喎,
地產霸權.....喎.....
可能要精神分裂才可以打到0個份工......
如果要0甘樣...好坦白......我唔希罕.......
政府合約工我都見過,
過程都冇大上市公司0甘ON 9
至少問返0的相關問題, 正正常常丫..
而家流行問一0的好難答0既問題,
可以說是測試人的反應, 可以說得通
但以上那些經典問題, 真係.....爆0西趣,
唔分享唔得....呵呵..
這行業很奇特, 女性比例在辦公室奇高
但高層的大多數是男性
已脫離了這公司 5 年了,
不會忌諱 訴說 當時的情況
小弟憑著.....間有四條大水喉射住0既公司 經驗
落戶在一間所謂"中型公司",
這公司當中, 並沒有一位同事有過類似0既經驗
多是畢業做了幾年的人
因為行業兩極化, 一入大公司, 永遠都會再往上
不會往下尋,
小弟為生活而已, 搵啖飯食0者...
並不會做一世, 所以冇去考佢地0既專業試...
亦因為大公司, 工時長, 唔0岩我....
講返呢間"中型公司" 先.
入職初時大約有 20 同事左右
分左GRADE I / I I / III
GRADE I 大概有 4 個
GRADE II 有 8 個
GRADE II 有 3 個
有 2 個 MANAGER...
做呢類型0既公司都係第一次
聽返0的 "舊同事" 講....
小弟入職期間....走了...幾個 GRADE II
因為魚唔過塘唔肥,
當GRADE I 做左幾年, 升左GRADE II 之後
好難升GRADE III
一定會走...況且這間公司亦不是豪門,
出不起錢...留人
小弟係當時 聘請 三人 中.....唯一一個GRADE II
另外兩人...都是GRADE I
波譎雲詭的 辦公室政治 從此拉開帷幕
第一幕 GENTLEMAN
因為太多人走, ADMIN 決定要執一下位置
舊有FLOOR PLAN 如下
紅點是小弟的座位
新的FLOOR PLAN 如下
很明顯, 是要我們那邊 6 位同事有一個比較整潔的工作空間
剛是上班不久的日子, 大概是...上班兩星期左右
ADMIN 上, 並沒有明確規定何人坐哪裡
到了安裝 工作桌 的日子,
要決定 邊個坐咩位的時候
用左最公平0既方法........抽簽
抽揀位次序
小弟好彩, 抽到第一個揀....揀左C 位
其他同事亦相繼揀了位置
下午2~3點左右, 小弟正在專心工作,
忽然有一位同事走過來,
同我講 " SCOTT, 我想轉個位,
唔知你可唔可以 GENTLEMAN 讓下我?"
又話咩 " A, B 位都係女仔, 你當讓下0的女仔啦..."
我呆左, 都唔知點答,
因為此人, 好似唔係我地0個 6 個人喎......
心諗 " 下? 又關你事? 你唔係我地0個邊0架喎"
我費事得罪人, 只係答 " 我諗下啦"
之後話之佢.....照樣進駐 C 位...
行動代表了我的選擇...
到第二次執位, 呢位同事如願地調左位...
進駐 I 位....
後話: 聽其他同事講返, 佢好憎我,
同埋佢要調位0既原因只係....
唔想坐另一位同事隔離ONLY
咪又係有私心...
正如政治角力, 讓一步, 就輸...了
無理的要求一定要拒絕
GENTLEMAN? 留返俾0的 自以為是0既人啦...
這些見聞都是小弟在這行業打滾的第二個年頭中發生,
這家公司, 在香港, 有四條 大水喉射住,
最大老細 同 香港0的富商名人關係密切
小弟有幸在微不足道的行業裡,
曾經接觸過......香港的富商名人的第三代
但看盡的是, 不論男女,
對此第三代甚有興趣
年青男女, 各施各法...
真是超級精彩
這名第三代, 在我們公司 做暑期工
名為暑期工, 實際是 上一代 想 他 了解多點這社會
吸取多些社會經驗 及 公司應該如何運作
因為我們的組長是大老闆很信任的,
所以 編進了我們的組
介紹一下我們組
組長, (45~50 , 已婚師奶)
副組長 (40左右, 已婚女, 組長知己)
男組員 T (與小弟差不多年紀, 當時不得組長疼愛)
女組員 G (與小弟差不多年紀, 當時得到組長疼愛)
女組員 Y (與小弟差不多年紀, 新入職, 經驗比小弟多 1~2年)
小弟
組長是一個對(so called 自己人 )才會寬容的人...
第三代在我們組的日子, 她的 "烹熟狗頭" 真是難得一見...
副組長都是一個趨炎附勢之人
但她埋藏得很深, 很難看出的...
第三代被組長安排 幫 女組員 G 做一些不太重要的工作
這位 G, 很多人都好羨慕她, 能夠接觸到第三代
呢位G, 務實型, 工作就工作, 都冇理0甘多野
男組員 T 其實在公司內都好大勢力
不斷地引進 自己人, 分插不同組,
第三代 第一次出糧, 話請我地食飯
去左陸羽食LUNCH, 一圍人,
當時有其他組的同事一齊出席
到暑期尾, 第三代LAST DAY 完左,
男組員 T 約齊人
叫我地一齊出去某酒店PUB
聚一下,
臨走時, 第三代話載 某 2 個女仔返屋企先
去攞車0個陣, 某女(已有男友) 個樣就似下圖0甘......
其實當時 第三代 揸出黎0既車 只係...AUDI Q4
稍為識車之人都知, 都知唔係咩勁車
但條女就.....嘩嘩嘩, 好靚呀...
我心諗....你唔駛呀?
人地第三代, 屋企...大把車,
唔想揚...先揸架 Q4.....0乍...
你 7 到0甘.......OUT 硬啦.....
入豪門?
補下你0的COMMON SENSE 先啦......
確實, 此女係有點姿色,
但只限於當時,
後來小弟擴闊了眼光,
此等貨色, 不屑一顧...
要入豪門, 其實都要知豪門人點諗先,
不能純靠美色就得
人地成個家族都想低調,
你就對眼發0西光, 想點先?
宅男對你0既美色都發0西光,
你有咩睇法先?
唔係話窮唔窮....0既問題
但至少,
應該認識上流社會多一點才放電,
0甘樣先有效
如果唔係, "bye bye 你條尾"
前文
邪教信徒 的 情與義...1
言談間...终於出來了.....
就是暗示......可唔可以幫佢開單.....一年term (2k左右)
之前曾坦白透露過, 我並不相信保險, 亦不會買
當時其實小弟財政狀況不太好...
唔係0甘想買..
反正terms, 即係淨係保一年...
冇問題...簽了....
之後他亦過了數(還錢).....還了 四分一.....
他說過多兩日.....再過數....
最後結果？ 就是拖住先
在這一兩個月間.....
佢再來....游說我....買全保....
小弟心諗.....你係咪痴線0架?
小弟坦白講....冇錢買....
最後佢 出盡0西力去說服.....
佢又話咩...
我有老細撐, 簽左幾單大, total amount 就夠..
差你張單去complete "單數"....
遲下出bonus, 分返俾你...
遲下出去請你食飯丫....
小弟最後 整左個最平....0既plan.......每月500
5年後有幾萬蚊.....算啦.....
之後可以再不斷累積
費事之麻....
待續
在 前文 保險經紀之層次 曾經提及一位經紀
幾年前, 恰巧重遇一名認識於 屋企附近的人
此人年紀比小弟細5年, 耐不耐就會在屋企附近碰到他
很久沒有見到他, 好似有十年左右,
再遇到他, 他已經自己是老闆,
他自身經營的是香港獨特的產業,
並不是從事 金融的人.....
普通人都難以進入的...
中學時期,
我們是在籃球場上認識的,
慶幸他還認得小弟, 我已經漲了 2 個碼..呵呵
閒談間, 他有些 "專業" 問題要向我請教 ,
之後亦有保持聯絡
往後的2~3年間, 他間唔中有些問題找我傾下...
直到 2014年, 他自身生意好像出現了一些問題,
當時, 江湖救急, 小弟將心比己, 好心了,
借出一筆為數不大的錢(一個月糧左右) 給他,
他承諾了六個月後歸還...
聽他說...他本身的保險經紀游說他入行,
半推半就地,
從此, 他便踏進了金融的現實世界
他曾向我透露 保險行業是很吸引的.....
因為 每年的生意是可以累積, 即是越滾越大...
小弟做金融相關的行業, 亦有為數不少的朋友做保險
知道這不太靠譜...你要信的話....Go for it...
你選擇自己的路, 其實都唔關我事......
到了半年期, 這位朋友,
約了出來見面, 說會還 一半錢給小弟..
但言談間...吊詭的事情出來了.....
一個考驗人性的遊戲, 原文
真是很精彩
規則非常簡單
2 人對決
只有 SPLIT 同 STEAL 的選擇
兩人的選擇
SPLIT, SPLIT (兩人分錢)
SPLIT, STEAL (steal 一方全取金額)
STEAL, STEAL (兩人全敗)
在身處其中的現場, 你又會如何抉擇?
如果 我揀 "SPLIT" .........
對方..揀...."SPLIT" 就分錢, 而對方揀"STEAL" 就他全取
基於人係貪心.....所以對方一定揀"STEAL"
如果我揀STEAL
對方 揀SPLIT 就冇著數
對方揀"STEAL" 就大家一齊死
在現實版中, 那個主導的玩家....一開始就對 另一玩家講......
我一定揀"STEAL",
但如果你揀"SLIPT",
我可以遊戲之後分錢俾你...
當面對抉擇,
另一玩家如果 "STEAL", 肯定乜都冇
揀"SLIPT" 還有機會分錢....
最後結果
另一玩家, 因為有機會分錢, 也揀了"SPLIT"
那個主導的玩家 其實 揀了" SPLIT",
最後皆大歡喜------------分錢
這遊戲
完全出自 GAME THEORY 內的
Prisoner's Dilemma
這個抉擇題.....已應用於各大範疇
政棍...也正在用此方法.....呵呵..
PS 啟示:
要得到預定的結果, 主動權不可以交出,
就算俾對方選擇,
都要對方揀選傾向自己有利的選擇
(不負責的愚見)
金錢會否影響一個人?
理論上唔應該,
因為我們的成長環境都教育我們,
不能見利忘義
但事實如何?
小弟看到幾種不同原因而入行的保險經紀
(全為同學/朋友)
1) 本身人脈夠廣, 轉行
2) 因為要生活, 無可奈何地做起來
3) 見到人家賺到0的錢, 跟風做起來
其實保險為何物?
人壽
人總會死,
將生前淨下來的
留給下一代
儲蓄保險計劃,
儲蓄+資本增長,
令你將來有錢可以用
其實, 只係售賣
"美好的將來" 這意念
我們想一想, 未有保險以前, 是如何的?
人死了, 咪草草埋葬, 根本不用太花錢, 什麼都沒有留給後代
儲蓄, 咪一點一滴地儲錢囉.....
當你成為 "美好將來" 的銷售者,
應該用咩手法去達成自己的目標?
入行原因1 的人, 可以很快上手, 人脈廣是優勢,
在社會中打滾, 他們已經長袖善舞
入行原因2 和 3 的人, 其實假以時日, 都可能做到,
但視乎他們會不會學懂某些技巧/話術
冇圖冇真相, 我CAP 左某人(經紀) 的fb圖來看,
睇下呢組圖, 幾0甘 "美好"
但背後的事情是如何?
經紀的"美好" 同 "客人的美好" 是 2 樣唔同的事....
經紀打做 "自我的美好形象",
從而令人信服 "他是個美好的人, 不會因為私利出賣你"
但事實就係......"佢叫你買保險, 佢靠你的佣金生活0既"
幾0甘矛盾
有閒錢, 少少地買下都無妨,
坦白講, 呢位人兄,
為左自己的佣金, 千方百計都想小弟買,
0甘都係 "不會因為私利出賣你"??
仲係咪朋友?
他入行的原因是 2 + 3......
可憐一個有為青年, 因為少少的佣金,
0甘就完全變了臉, 太短視了
據我所知, 儲蓄計劃佣金可以最高是
第一年保費的 30%,
假設 2K 儲蓄計劃, 即係7.2K佣
為左少少錢, 冇左一個朋友?
即係話....我只係值....7.2K 或者更低
小弟本身有投機性炒賣(指數期權),
回報率 每月 3~10% 不等
你叫我同你買年利率 5~7% 的儲蓄計劃?
有咩SELLING POINT 先?
你又唔係靚女, 就算係, 我都要諗下先...
用錢買斷了的關係, 永遠修補不了,
這個所謂"朋友", 將會在我生命中成為一個過客...
他永遠再賺不了....我的一毫...
他沒能力亦賺不來...
講返其他都係經紀的朋友,
他們入行雖然都係為生活 / 想賺多一點...
但採用的方法不是這樣的,
不斷認識新朋友, 但真不真心,
人是感受到的, 人們真的有需要就會找你
這才是長遠的策略
層次的高低,
最低等: 千方百計迫客人買 (斷六親式的買賣)
中等: 見面中游說到客人買 (有銷售技巧/ 話術)
最高等: 令人覺得有需要而找你買 (高明的技巧/ 引導)
返回主題
金錢會否影響一個人?
理論上唔應該,
因為我們的成長環境都教育我們,
不能見利忘義
但事實如何?
在小弟看來,
其實 "見利忘義" 是可以的, 但不要犧牲 "朋友"
朋友是一樣寶貴的資產,
永遠都不知道何時他們會發揮作用,
甚至有時可以改寫自己的路向,
自私並不是罪, 如何有智慧地處理才是重點
