樓 市 不 敗 之 謎

樓房在中國人心中, 是不可或缺的東西,

沒有固定的地方, 便沒有家.


即使是租屋, 亦想安定下來, 

並不是每每兩年租約後便搬走,

過著現代游牧民族的生活.


香港是比較特別的地方,


樓房除了是自身需求以外, 亦是投資/投機的機會,

所以近年各國大力加印錢紙, 加上各種環境氛圍,

樓房的升值到了不可理喻的地步??


最新成交天水圍, 嘉湖山莊 $7,000呎, 444 萬, 

97年以240萬元購入嘉湖山莊576方呎單位

20年, 200萬回報, 80%, 平均每年4%左右

其實同通漲差不多,

數字上的可觀性, 令普羅大眾更傾向相信"樓房長遠增值"
的概念, 

如果你的投資, 遠超過4% 回報, 就不用擔心20年後買不到樓.

其實所謂的升值, 只是通漲的數字, 

當然, 人口問題, 對土地的需求只升不減. 


最有趣的是, 

近排老媽又作比較, "阿邊個買左間樓, 放租...幾多幾多...."

聽返黎, 係一個比較熟0既親戚(80後人士), 置左業, 

有閒錢投資0者, 都唔係自住需要,


上個星期日, 老媽忽然話, 想俾首期小弟置業, 

0甘當然係細價樓(佢心目中想借9成出租), 

小弟都同佢講, 

"你9成出租犯法0架, 當然有灰色地帶去玩, 

同埋, 你心目中0既價錢, 難0的喎, 要慢慢等同搵...."

與此同時, 好多野要配合....(當然我知佢0既苦心, 呢0的決定唔急得0既)

由此可見....樓市不跌, 是有原因的, 未必真係..只是剛性需要...呵呵..


送上趣聞一則
杭州樓盤開售如戰場

月入三萬的男人

片中例子

單身收支                            買樓結婚

9,000             租樓/供樓     15,000  
                                            (4百萬樓, 3%年息, 30年, 自住9成按)

5,000             父母                5,000          

1,000            保險                 1,000

1,000            學生貸款         1,000

3,000            飲食                 3,000

5,000            車貸                   --

4,500            其他                3,500

1,500            MPF                1,500 

30,000                                  30,000

相信好多人都係0甘上下收入,

其實條數冇咩調整, 只係每月租樓/供樓度用多左.....6k


現時其實租屋, 都係10k 左右,

但為了自住樓, 俾人強暴了額外每月 6k!!!

6k 在月入當中的比例 已經是20%

我們不是要善用資源嗎?

為何這明顯的情況 (陷阱) 亦有人甘願受苦?


只因女人的一句話??

0甘真係俾個 "叻" 你.......

你唔"叻"0的搵錢, 點樣供樓供 30年呀?


15k 供樓成本當中, 有多少是利息, 又有多少人認真計過?


節衣縮食, 為的是一個自住單位?

值唔值, 自己衡量啦......

亦有其他人相信 "80後求死隊長" 的理論

首期 --> 等升值  --> 租出 --> 加按 用作第二 首期

無限繼續


這理論
假設

1) 升值

2) 多次加按

3) 一定有人租

投資有風險, 樓亦如是, 

但太多人看輕了.......這些風險


以前人地買樓致富的多數是低價買入

但而家樓價是高位, 你仲要接貨, 

仲唔係求死?

真係要祝你 身體健康

唔係點樣供足 30年呀?



另一個迷信就是升值.......

其實好傻......自住樓升了值, 關你鬼事咩?

既然自住, 就唔打算賣...

你會唔會賣左佢, 出去租樓住丫?


你一日唔賣, 0的錢一日都唔落你袋

所以一升值就自high??


係 易滿足 定係 阿Q精神呢?

PS: 

小弟一向不贊成買樓, 

偏向著重其他資產增值

最後才置產...