財務自由的反思

最近一星期，

回家途中，巴士上，

不時聽到一些很好笑的對話，

一位中年男士，坐在小弟前一個位，

安頓下來後，打電話，一黎就 噓寒問暖，

似 r 水吹，殊不知中間攝左句 “最近有咩好路數？”

露了底，應該係搵著數，

但吹下吹下，冇咩特別，

最爆0既係，佢一句

 “x你老x, 日頭曬得滯，咪唔返工囉，又唔係等錢駛”

聽落去，原來佢係做樓宇外牆維修工人或判頭0個類，

會因應唔同時間去邊度做，有陰影遮蔽就做下，

有太陽曬，就去另一邊做0甘樣。


不知讀者有何感受，

但肯定的是，佢識用腦在工作上。


其實我們對財務自由的嚮往，

是可以有選擇，未必是選擇自己喜歡的，

而是可以拒絕自己不喜歡的工作。

如果好似上述人士0甘，

又算得上財務自由嗎？

非 法 集 會?

某一下午, 

一大班人聚集在某商業大廈某一單位內,

年紀不一, 有的上了年紀,

有的比較年輕, 有男有女,

有的在房內, 有的在房外等待...

究竟搞緊乜?


當中有一位打扮得比較前衛, 

上身的緊身衣, 令他的肌肉線條展現出來,

令人不禁會對他的性取向有點懷疑。


他在房內忙著，

忙著向房內的十數人解釋某事情，


看著在外等待的人，

聽到到一些端倪， 

到此為了簽收某些東西


最匪夷所思的是，

此地方只是租回來的一個會議室

究竟是簽收咩野？

要搞到一大班人聚集在此？

真係毫無頭緒。。


翌日下午，

如昨日的情況又再出現，

更多人聚集等待簽收，

中年男人， 中年女人，

年輕人士， 各式各樣都有

出出入入， 好不忙碌，


有人進會議室的時候，

那些主要人士開口問，

xx, 你知唔知道你黎簽收邊間公司的優先股？


做左0甘多年account， audit，都好少接觸優先股，

好 好奇，搞乜鬼？

無啦啦整優先股，有0的野喎，

仲要0甘多人玩。。。事有蹊蹺


最後聽到他們解說 ‘拿， 會有investor loan 0既’


十不離九了，

我不敢說一定是騙案，

但一定是利用 私人公司 最大人數限制 50人，

去做類似 集體投資 的事情


至於優先股， 多數係用黎令股東安心，

至少會派定息俾佢地先



但世界邊有0甘大隻夾乸隨街跳丫？

只可以說，

神棍， 最多呃你一萬幾千，

呢類集體投資？

呃你一百幾十萬， 閒閒地

只能講句， 又一班受害人


老千講， 鬼叫你地貪心呀？

力不到， 不為財，很簡單


受害者亦不是沒有社會經驗，

但為何中招？

越窮越見鬼，

窮人成日想一朝發達，

所以老千利用此來 引誘



龐氏騙局

相信很多人都知道, 

但為何老千總是可以新瓶舊酒地一騙再騙?

原因在於 貪婪...

人性的貪心， 不勞而獲

試問有誰可以抵抗 坐著收錢 的誘惑？

我 的 咸 魚 時 代 (上)

2015年9月份,

咸魚時代終於來了個了斷, 

做了咸魚接近十年,

都係時候回顧及總結一下

第一截, 1個月(小型曬場，5～6條咸魚）
第二截 1年 （小型， 4條咸魚）
第三截 8個月 （中型，數不到咸魚定人）
第四截 2年半 （中小型，30條咸魚）
第五截 接近4 年 （蚊型，得我一條）

第一截， 其實乜都唔識，學習下，
認識下呢個世界，識左一班海歸，
大家都係袋鼠海歸，都幾傾得埋
有0的到現在都仲有聯絡

第二截， 家庭作業式公司，
人情味都可以0既，
可惜就是沒有 最低， 只有更低 0既人工，
好難生存下去，做咸魚都做唔成

（好記得當年出雙糧，
一野就俾左2科考專業試0既費用， 
就0甘就冇左，仲要好難 pass, 
當時已經覺得唔係路）

第三截， 比較大少少0既公司，
老闆有幾條大水喉射住，
可惜丫，有空缺， 都係豬頭骨
如果唔係點會 碌到入去丫，

上司係女人， 中年女人，
用家庭式0既管治方式，
亦係小弟至憎0既 被管 mode

現實上，慣左家人都管不到0既模式
工作上， 多左個阿媽？ 仲要乜都管住0西

連唔考試都關佢事，
佢同某一位同事講， 
點解小弟唔考試0甘怪？
(因為多數呢行0既人都考試)

我冇錢俾0甘貴0既考試費，唔得咩？
搞到精神緊張，發惡夢，

半年review, 上司已經同大老闆講，
投訴我冇心做下去，

這期間並不是所有都是苦的,
至少開闊了眼界, 做了一些比較獨特的公事,
很多同行都好少接觸的...

富三代的魅力 亦是在這期間的見聞

老實說, 這公司的福利算不錯, 
但可惜入不逢時, 算吧啦..

想做條咸魚0者，都0甘難？

離去應該係最好0既選擇

下集待續...

邪教信徒 最後大結局

前文可看

邪教信徒 的 情與義...1

再看邪教信徒...2

邪教信徒...3

邪教信徒...4..(完結+後記 )




最近要處理資金周轉的問題, 

到了差不多絕境,

一定要call 呢個資源出黎,


做行動前, 當然要有準備

文件上, 小弟有 他的借據 + 住址證明

首先, 聯絡了某位朋友, 問了私人幫小弟收數,

應如何做...(plan b)


第二, 為了證實呢位 "信徒" 的資料正確,

上土地註冊處網站 一查, 現有地址依然是他的,

第四集, 提到, 佢話唔掂要賣樓, 0甘叫賣樓?

不過, 已經證實左佢仲住0係呢個地方, 

即係最壞情況, 要俾人收數, 去0個度都可以搵到佢..

之後就發信息叫佢還錢, 如果唔還, 交托收數人士,


當日佢回覆信息叫我打電話搵佢,

佢話有野要傾喎,



打電話俾佢, 講返數目0既問題,

之前還左 四分之一, (第二集)

佢話有張保單幫你交左, 計唔計?


每月其實有份儲蓄+人壽 係佢0既 (5百幾)

(第二集)講到, 我有幫佢買份term 一年,

今年唔諗住續, 所以有一大堆催交保費的信,

我就話, 呢份單, 我冇諗住續, 

係你冇經我同意下, 你自己交左only, 

梗係唔認數啦...

佢又再講, 2日內還, 冇問題

但要我份儲蓄+人壽 呢2年內唔好cut,

我覺得可以接受, 所以就應承左,

其實佢0甘講, 已經暴露左佢0既弱點,

緊張份單, 為左單, 乜都可以

到左還錢當日, 

0係 ATM 過左數後,

佢就話, 食個飯啦,

坐低傾下閒計, 

我亦冇透露 我正職被ko, 出來搞生意,

小弟提及經濟差, 及不想再做咸魚,

呢位信徒竟然 用過時的資訊 去講國情,

話內地好多土豪, 

去酒樓食野, 叫要最貴0既野,


我當時心諗 你真係當我傻0架喎,

我唔出聲, 唔代表我唔知..


重頭戲來了, 食完飯, 

再整份 醫保宣傳單俾我,

以為又可以ko 我, 去執返多少...


第一時間, 想用nlp 手法對付我,

嘗試用盡方法去拉近身體同感情距離,

打感情牌, 可惜的是, 他已經被看穿

佢再嘗試用身體需要去說服我,

小弟身型是有點胖,


話咩見到你眼肚下有少少紅,

有少少三高跡象喎,


呢位信徒完全錯0西, 

心情真係有如下圖

搵呢0的似是而非0既

語言偽術(江湖術士的招數) 黎 蒙混過關?

你唔好彩啦..


佢估唔到我最近有上堂學 相學,


你大我呀?

真係睬佢都有尾...



還完錢之後,

三日唔埋兩日

又發信息, 又打感情牌,

話咩 想要個partner keep住去做下運動,

運動係要做, 不過小弟enjoy 自己獨處的時間囉..

煩到死, 最後 block 左 佢個 whatsapp,

完全certified




綜合了所有資料,

說話確實是只佔溝通的 5%,

行為又如何? 身體最誠實吧...

NLP 不是沒有用, 只係 Perception 一旦形成,

很難去 180 度改變....一個累積了的印象

清新電影 < 王 家 欣 >

香港本土製作

沒有大明星的電影,


故事簡單 直接

不花巧,

決勝於細節,


可能大部份人都會拿這電影 與 

"那些年我們一起追的女孩" 作比較


但當中的手法及故事性都不一樣,

台灣的表述了, 勾起了.... 大家的回憶/後悔

以及有些少離地, 切合台灣的狀況


但此片其實不是 利用引起大家的回憶/後悔 作賣點,


而是用...事情的落差,

去交代了, 火花的產生要有一定的前設條件,

過了就可能變了質...



電影內,

一幕又一幕的人性走了出來,

最後其實亦沒有很感動人心的結局,

但這就是我們生活中的平凡...


若說 "那些年" 是 我們珍而重之的回憶

這片 像 是 翻看舊物時, 會心微笑的東西

清新小品是值得支持的..

箇中細味的部份不多說了, 

入場親身感受一下會更好.

火 星 任 務 的 意 義

故事上很簡單，

探索火星任務，

遇上意外，

遺下男主角一人，


如何在這寸草不生的星球上生活

等待救援是最大的挑戰

男主角的設定是植物學家

解決食物的難題不算太困難，

當然中間亦有問題要解決。

救援行動亦不是一時三刻可以回航



這套電影片長 2小時左右，

但劇情緊湊，甚少冷場，

處理恰當



電影最尾處，男主角分享他的經驗之際

比較發人深省的說話是

有沒有考慮自己會死亡？

當然會， 但不斷地慢慢解決一個又一個的問題，

得到的回報是你意想不到的



當中可套用作 夢想的實踐

死亡 代表 失敗，

但解決了困難，

當中的回報，亦是意想不到的


舊式思想的灌輸

令我們沒有了冒險的精神

千里之行，始終足下

不踏出第一步， 慢慢解決問題， 夢想 / 奇蹟 如何實踐？

Intern 實習冇耆限

衝著 影帝影后 輕輕鬆鬆 去看

有些影評 批評 合理性

但何必那麼認真 地預設立場呢？


這片帶出的只是 

人性 是永遠 行得通

人性為何？

待人處事也


年輕人出來社會，

是一塊三尖八角 的利器

到處碰壁，

企圖盡快上位， 建立自己的文化

做出自己的夢想


很可惜， 大多數， 

都會被社會殘酷在2～3年內磨滅意志，

因為遊戲規則都未知曉，

如何上位？



回歸此片，男主角是喪妻退休人士，

40年的工作經驗，令他可以跟任何人合作

開頭 被認定難搞的 女上司， 

亦令她對男主角開始多了點信任。

觀察力 是 人性最重要的一環，

破冰的一事 是 

處理了 女上司經常想執拾的桌子

這事亦成為轉捩點

給女上司留下好印象


人性就是那麼奇怪

當某人處理了 一件合自己心意的事，

潛意識上已當了某人是同類

所以無論 情場 或 職場，

用細微的技巧去取悅人，

會令彼此關係慢慢地成長



這就是經驗的寶貴之處