back to the future?

最近因為要所謂 "強制驗窗"(擺明搶錢)

小弟執房, 執左成個月,

真係好似細個玩......倉庫番 0甘

要將0的野搬好, 執位, 一執再執

十年清一次0甘......

從開始到現在定型, 執了差不多2個月


但執到出黎, 好多野都記錄了一個時代

中學, 大學, 工作以後,


工作以後, 其實小弟都冇乜娛樂,

收工後, 返屋企食飯, 睇下電視, 

一星期抽幾日去做下運動, 

仲有其他低消費娛樂0既..

時間0甘就過了,


最多0既, 應該是DVD .......

當中真係包羅萬有,

淨係錄電視的, 應該有2箱


翻看當中的節目, 廣告 亦有不少樂趣

例如: 2015男神 曾在2010年的廣告片中出現......



在回想2010年, 小弟在哪裡? 當時又做緊咩?

5年前, 已在這紅海中漂浮了.......4年,

reject 了合約政府工, 在一間30人左右的公司浮浮沉沉,

目標是有的, 但尚在磨劍...

不過計劃在這 5 年中, 胎死腹中.......

因為環境的變化, 令計劃有變


人總要一個希望去存活, 

存活之後, 夢想與目標又是另一回事...


攞男神做例子,

2010 年....不太出名的廣告男

2011~2013 仍是努力工作, 有配角做

直到 香港電視的"選戰" 出現,

人們慢慢地認識他.....

事業開始爆....

今年書展仲出書添.......


正如星爺話: 冇夢想的話, 同條咸魚有咩分別?


今年應該是轉變的一年,

有望可以慢慢轉型, 

前文亦有講, 現行業...前景為E級

不宜久留...


小弟性格驚青騰雞.....兼保守,

要穩定左先會再進行下一步,

所以好多時進程好慢...

有好有唔好, 

試過想快, 

但出左個 大頭佛........因快得慢...


目標 / 夢想 都要一步一步慢慢行...