我 的 咸 魚 時 代 (下)

第四截，其實都係家庭式，
至少有0的經理，有商有量，
做下去亦不大問題，
但慢慢地公司的問題陸續浮現,
有人弄權, 其實我不明白的是,

0甘0既公司, 都有人鍾意弄權,
有咩權好爭呢? 
(可能係得閒得滯, 
宮廷內都係太無聊先弄權)

冇料0既就扮勁, 
完全唔理實際情況 去處理
對住大老闆就 烚熟狗頭,
成日笑騎騎, 放毒蛇,

我稱他為太監,
只為服侍他的主子

太監當然有他的黨羽,
順他者生, 逆他者亡
物以類聚, 人以群分,
黨羽自然有太監的性格

詳情可看 辦公室 的 太監師徒 I


第四截同事篇:

波譎雲詭辦公室 GENTLEMAN
波譎雲詭辦公室 2
波譎雲詭辦公室 3



第五截 蚊型公司, 本身都諗住創業,
所以預算不會留下太久, 落戶在蚊型公司,
最適合不過, 點都估唔到留左差不多 4 年0甘耐,

老闆係 日本中年女人, 美國留過學
間公司係承繼佢老爸0既,
基本上所有客都係承繼,
加埋少少自己朋友客,
完全唔接街外客.

佢完全冇呢行0既專業背景, 
只懂大約的流程,
基本上, 專業知識的事情,
都是留給我去處理

一開始都有一位同事,
去處理0的鎖碎事情
不過呢位同事 好有問題,
很難合作
之後他還自己ko 唔撈

結果就是所有野幾乎都是小弟處理

當然, 老細也經常遲來 早走,
我亦處理所有事情,
乜都關我事,
準時出糧, 做條咸魚
又可以接受0既...

呢個情況維持了2年多,
她安排了她自己個女 入黎做,
但是 乜野師傅 就成就乜0既徒弟,
自己都半桶水, 佢個女梗係連半桶水都冇,

根本佢個女, 無心向學,
有錢俾佢出國, 可以大學都讀唔完就返香港,
係公司一樣hea,

其實老細都唔係好得去邊,
根本就唔專業,
又唔去搵客, 到呢幾年,
好多客都唔滿意佢收得貴,
走0既走, 摺0既摺,

佢自己都hea 爆, 一年至少有六星期出國,
出國唔係為公事, 係為享樂,
係咩一年兩次0既運動比賽, 
同埋聖誕節去旅行
個女就學到佢十足, hea 爆

一年執 兩球左右,
都唔知執得幾多年..

我被ko 的原因好過癮,
創業0既事情被她知道,
她給的原因就是, 唔俾有兼職超過一半時間

當然, 我應該係冇能力去兼顧

其實有時佢處理方法好有問題,
要趕0既唔趕, (政府deadline)
唔趕住0既就狂催 (0的客一催就捽我)
我得一對手, 可以點?

係政府deadline 前 ko 我...
後果佢自己諗啦...
我亦冇後悔,

中年女人..都係麻煩0架啦...
一時一樣...搞到人都癲,
雖然準時出糧0者,
但人工...真係唔掂...(以年資計)

日本公司好做?
未必, 現時在港的日本公司
其實都賺不了大錢,
所以福利其實不過不失而已

完全看不到前景下,
結束小弟在 呢一個冇前景的行業,
至少小弟冇優勢, 只能永遠在低層打滾

倒不如放手一搏,
試下行得有幾遠仲好...

我 的 咸 魚 時 代 (上)

2015年9月份,

咸魚時代終於來了個了斷, 

做了咸魚接近十年,

都係時候回顧及總結一下

第一截, 1個月(小型曬場，5～6條咸魚）
第二截 1年 （小型， 4條咸魚）
第三截 8個月 （中型，數不到咸魚定人）
第四截 2年半 （中小型，30條咸魚）
第五截 接近4 年 （蚊型，得我一條）

第一截， 其實乜都唔識，學習下，
認識下呢個世界，識左一班海歸，
大家都係袋鼠海歸，都幾傾得埋
有0的到現在都仲有聯絡

第二截， 家庭作業式公司，
人情味都可以0既，
可惜就是沒有 最低， 只有更低 0既人工，
好難生存下去，做咸魚都做唔成

（好記得當年出雙糧，
一野就俾左2科考專業試0既費用， 
就0甘就冇左，仲要好難 pass, 
當時已經覺得唔係路）

第三截， 比較大少少0既公司，
老闆有幾條大水喉射住，
可惜丫，有空缺， 都係豬頭骨
如果唔係點會 碌到入去丫，

上司係女人， 中年女人，
用家庭式0既管治方式，
亦係小弟至憎0既 被管 mode

現實上，慣左家人都管不到0既模式
工作上， 多左個阿媽？ 仲要乜都管住0西

連唔考試都關佢事，
佢同某一位同事講， 
點解小弟唔考試0甘怪？
(因為多數呢行0既人都考試)

我冇錢俾0甘貴0既考試費，唔得咩？
搞到精神緊張，發惡夢，

半年review, 上司已經同大老闆講，
投訴我冇心做下去，

這期間並不是所有都是苦的,
至少開闊了眼界, 做了一些比較獨特的公事,
很多同行都好少接觸的...

富三代的魅力 亦是在這期間的見聞

老實說, 這公司的福利算不錯, 
但可惜入不逢時, 算吧啦..

想做條咸魚0者，都0甘難？

離去應該係最好0既選擇

下集待續...

邪教信徒 最後大結局

前文可看

邪教信徒 的 情與義...1

再看邪教信徒...2

邪教信徒...3

邪教信徒...4..(完結+後記 )




最近要處理資金周轉的問題, 

到了差不多絕境,

一定要call 呢個資源出黎,


做行動前, 當然要有準備

文件上, 小弟有 他的借據 + 住址證明

首先, 聯絡了某位朋友, 問了私人幫小弟收數,

應如何做...(plan b)


第二, 為了證實呢位 "信徒" 的資料正確,

上土地註冊處網站 一查, 現有地址依然是他的,

第四集, 提到, 佢話唔掂要賣樓, 0甘叫賣樓?

不過, 已經證實左佢仲住0係呢個地方, 

即係最壞情況, 要俾人收數, 去0個度都可以搵到佢..

之後就發信息叫佢還錢, 如果唔還, 交托收數人士,


當日佢回覆信息叫我打電話搵佢,

佢話有野要傾喎,



打電話俾佢, 講返數目0既問題,

之前還左 四分之一, (第二集)

佢話有張保單幫你交左, 計唔計?


每月其實有份儲蓄+人壽 係佢0既 (5百幾)

(第二集)講到, 我有幫佢買份term 一年,

今年唔諗住續, 所以有一大堆催交保費的信,

我就話, 呢份單, 我冇諗住續, 

係你冇經我同意下, 你自己交左only, 

梗係唔認數啦...

佢又再講, 2日內還, 冇問題

但要我份儲蓄+人壽 呢2年內唔好cut,

我覺得可以接受, 所以就應承左,

其實佢0甘講, 已經暴露左佢0既弱點,

緊張份單, 為左單, 乜都可以

到左還錢當日, 

0係 ATM 過左數後,

佢就話, 食個飯啦,

坐低傾下閒計, 

我亦冇透露 我正職被ko, 出來搞生意,

小弟提及經濟差, 及不想再做咸魚,

呢位信徒竟然 用過時的資訊 去講國情,

話內地好多土豪, 

去酒樓食野, 叫要最貴0既野,


我當時心諗 你真係當我傻0架喎,

我唔出聲, 唔代表我唔知..


重頭戲來了, 食完飯, 

再整份 醫保宣傳單俾我,

以為又可以ko 我, 去執返多少...


第一時間, 想用nlp 手法對付我,

嘗試用盡方法去拉近身體同感情距離,

打感情牌, 可惜的是, 他已經被看穿

佢再嘗試用身體需要去說服我,

小弟身型是有點胖,


話咩見到你眼肚下有少少紅,

有少少三高跡象喎,


呢位信徒完全錯0西, 

心情真係有如下圖

搵呢0的似是而非0既

語言偽術(江湖術士的招數) 黎 蒙混過關?

你唔好彩啦..


佢估唔到我最近有上堂學 相學,


你大我呀?

真係睬佢都有尾...



還完錢之後,

三日唔埋兩日

又發信息, 又打感情牌,

話咩 想要個partner keep住去做下運動,

運動係要做, 不過小弟enjoy 自己獨處的時間囉..

煩到死, 最後 block 左 佢個 whatsapp,

完全certified




綜合了所有資料,

說話確實是只佔溝通的 5%,

行為又如何? 身體最誠實吧...

NLP 不是沒有用, 只係 Perception 一旦形成,

很難去 180 度改變....一個累積了的印象

2016 流年飛星圖

又快到年尾,

俾定個方位圖大家參詳一下,

一白星：此星是一顆桃花星，五行屬性為水，主要影響姻緣、人緣。

二黑星：此星是一顆病星，五行屬性為土，主要對健康不利，尤其是婦科病及腸胃病。

三碧星：此星是一顆是非星，五行屬性為木，代表官非、是非、爭執以及小劫。

四綠星：此星為文昌星，五行屬性為木，利於學業、考試、進修、名譽及文職工作。

五黃星：此星一顆極凶的災煞星，五行屬性為土，不利健康，易發生意外災禍。

六白星：此星為武曲星，五行屬性為金，利於變動、武職及財運。

七赤星：此星又叫破軍星，其破壞力量很強，五行屬性為金，主要影響範疇：破財、盜賊、 牢獄、損丁。

八白星：2004至2023年為八運，故此星是一顆當旺財星，五行屬性為土，大利財運、晉升。

九紫星：此星是一顆喜慶星，五行屬性為火，代表各種喜慶吉事，尤其是嫁娶及添丁。

此為 家居座向圖,

風水, 要人, 地(家居), 時(三元九運) 配合,

各門派, 見解不同, 可信與否, 閣下自理

還有就是, 自己不努力, 運程是幫不了,

不是坐0係度等運到..就自然來

冒 險 的 感 覺

十多年前, 

出國讀書, 眾多的事情,

都要一手包辦,

外國的辦事方式, 跟香港的很不同...

有時很不透明, 

好多野要問完一大輪先知點做,

仲要周圍走黎走去...


上大陸 做事, 

其實都係一樣, 

每牽涉到 政府部門,

要處理的事情 真係要預多點時間去做,

不能很快就完成...

雖然內地政府都盡量推行上網辦事,

但好多時很混亂,

每每要問清楚如何做才可以,

都頗費時失事...

但正正因為市場的不透明,

機會比較多...遇到騙子的機會亦多...


不要太相信 網上的資料,

始終要自己做的話...是可以的,

不要怕麻煩, 花點時間...便可

夢 想 的 堅 持

最近看到此宣傳海報,

在正常人看來, 好像很 "騎呢"

但背後代表甚麼?


手機遊戲, 潮流都是用 美女作招徠,

但忽然間用了 港隊門神 葉生...

証明了他有了市場價值

運動員明星化, 並不是現今才出現,

曾幾何時, 方生 都是由運動員轉做藝人


在香港, 足球是一門 搵不到食 的職業

所以都很難作為全職運動員,

很多足球運動員, 都是身兼多職, 才可生活


在這裡不評論制度上, 

綜觀國際足球產業,

都是與 商業掛鉤,

連 中超, 也冒起了, 廣州恆大 這支球隊,


英超用了 20 年時間, 日本聯賽用了10 多年,

不斷用金錢去買優秀球員, 技術交流 + 本土化...

才可以壯大..


他們為了夢想, 可以去到幾盡?

如何去搵足夠資源?

足球員做了 "騎呢" 手機遊戲代言人...

身兼數職....

確是很可悲的現實...

2015 年結

之前一篇提過, 
十二月是小弟的黑仔月,

但都要總結一下 今年...




2015 開始了此blog, 
其實之前都有寫, 樂在其中
不過是記錄 期權多一點


玄學的知識 亦正式上堂進修一下

最後一季,
終於 鼓起勇氣 開始創業

其實有點被迫, 

第一是, 做了差不多十年的咸魚,
根本是賤賣青春,

第二是, 本來想正副職一齊做,
但其實根本冇可能,

兩份正職的工作量, 冇咩可能兼顧
正職交不出貨, 
自然只有 離去 或 放棄機會


姑勿論巧合與否, 


12年前, 亦是小弟出外讀書的年份,

看來又係時候轉變一下了


至於感情, 親友的好意 內說明了,

小弟不公開, 不一定是沒有,

只是時機未到, 不公開而已