書中自有黃金屋？

相信不少人都聽過呢句 ‘ 書中自有黃金屋’，

但現實世界是否如這樣的？

小弟看見了不少公司的賬，秘密當然亦知悉不少。

香港比較賺錢的專業人士是什麼？

醫生，律師，工程師，會計師定係機師？

無數據無真相
醫生 專科 個人報稅大概 一千萬左右
律師 每年分花紅 幾百萬 + 本身人工

工程師就睇做咩project, 大判頭 可能會幾百萬至幾千萬不等

會計師 係老細就全年一二百萬左右啦
機師（機長） 全年一百萬多少少

以上數字，可以看到

醫生 ＞ 律師/工程師 ＞ 會計師 ＞機師

他們的努力和成果是成正比

門檻越低的工種 頂薪是有限的

小弟不是‘專業人士’，只是為專業人士用的賺錢工具而已

所以薪水等級不在上面之列。

只可以講係 公共資源輪不到， 私人屋又買不起0個0的蛋散，

僅夠糊口。完全是日復日 出賣時間的老seafood.

搵到個夾得到的老細仲緊要。

浮沉左0甘耐， 真在覺得

就算俾高人工你，但0係公司死捱爛捱，一0的都唔開心，

都及不上少錢0的，但享受生活。



有冇後悔讀書唔努力？

冇喎，小弟心知肚明，自己不是那些可以登上頂端的人，

只係蛋散中有點屎橋同人脈而已。

當然，有能力又有興趣，以上職業可以考慮，

但人各有志，為何要去迎合無謂的怪獸家長的期望？

一定要做醫生，律師 甚至 餓唔死的會計師？

樓 市 不 敗 之 謎

樓房在中國人心中, 是不可或缺的東西,

沒有固定的地方, 便沒有家.


即使是租屋, 亦想安定下來, 

並不是每每兩年租約後便搬走,

過著現代游牧民族的生活.


香港是比較特別的地方,


樓房除了是自身需求以外, 亦是投資/投機的機會,

所以近年各國大力加印錢紙, 加上各種環境氛圍,

樓房的升值到了不可理喻的地步??


最新成交天水圍, 嘉湖山莊 $7,000呎, 444 萬, 

97年以240萬元購入嘉湖山莊576方呎單位

20年, 200萬回報, 80%, 平均每年4%左右

其實同通漲差不多,

數字上的可觀性, 令普羅大眾更傾向相信"樓房長遠增值"
的概念, 

如果你的投資, 遠超過4% 回報, 就不用擔心20年後買不到樓.

其實所謂的升值, 只是通漲的數字, 

當然, 人口問題, 對土地的需求只升不減. 


最有趣的是, 

近排老媽又作比較, "阿邊個買左間樓, 放租...幾多幾多...."

聽返黎, 係一個比較熟0既親戚(80後人士), 置左業, 

有閒錢投資0者, 都唔係自住需要,


上個星期日, 老媽忽然話, 想俾首期小弟置業, 

0甘當然係細價樓(佢心目中想借9成出租), 

小弟都同佢講, 

"你9成出租犯法0架, 當然有灰色地帶去玩, 

同埋, 你心目中0既價錢, 難0的喎, 要慢慢等同搵...."

與此同時, 好多野要配合....(當然我知佢0既苦心, 呢0的決定唔急得0既)

由此可見....樓市不跌, 是有原因的, 未必真係..只是剛性需要...呵呵..


送上趣聞一則
杭州樓盤開售如戰場

隔 離 飯 香

香港人, 乜都炒一餐

樓, 股, 奶粉, 演唱會飛


老媽近排有點時間, 閒在家,

被 "姨媽姑姐" 招募來排隊,

每人限買 4 張飛的 QUOTA,

成為了黃牛黨的對象....

老媽排了幾次隊, 買不到亦有少少車馬費,

老媽 聽 "姨媽姑姐"講, 黃牛黨上年 一個演唱會 執了幾萬...

而黃牛黨的人不是別人, 正是"姨媽姑姐" 的親兒子.

這人小弟亦認識, 只是估不到他會玩呢0的野而已


老媽家族, 向來是 向"錢"看, 

搵到錢就是好, 就是出息.

有錢就大大聲, 冇錢就龜縮...

都係憎人富貴嫌人窮0個類0架啦..


就係認錢唔認人....


之前有批 搞唔掂0既 "賣剩蔗", 

放左0係大陸, 老媽日娥夜娥, 話成日蝕租,

叫斬鑬唔好玩, 大陸0個邊簽左租約,

點都要到期先搞得掂, 點斬呀?


老媽 仲叫我攞返落香港俾個 黃牛仔散批"賣剩蔗"....

因為之前佢又聽"姨媽姑姐"講 黃牛仔 

唔知賣乜又執到幾多....錢

蝕0個時又講你聽咩?


一黎要運費 同埋 0的貨運落香港好鬼煩

二黎賣唔賣到先?

當然可以成批賣俾佢試下0既..

(講到0甘神, 俾蠅頭小利佢執下, 冇壞0既)

0甘就..真係輸少當羸了..

其實仲有方法, 不過要駛錢去搞...


暗喻 人地的能力就能力, 屋企仔女就一定係唔掂0既..

初創業的苦惱 亦提及過, 最難頂的不是沒有資金,

而是 第一批"勸喻" 要止蝕的人, 多數是你身邊的親人...

洪荒之力

记者：今年淘宝做得怎么样？
商家：我已经用了洪荒之力了。
记者：能不能把你今年的淘宝经历总结一下？
商家：鬼知道我都经历了什么，有时都觉得生不如死！
记者：你是不是对规则有什么意见？
商家：没有没有，我已经很满意了！
记者：今年淘宝经历你自己怎么评价的？
商家：我都不相信自己能活到今天！
记者：有这么惨？商家利益不是都得到保护了么？
商家：可能因为我走心吧，不走量。
记者：感谢您接受采访，再见。


记者：今年  audit 做得怎么样？
big 4 人士：我已经用了洪荒之力了。
记者：能不能把你今年的 audit 经历总结一下？
big 4 人士：鬼知道我都经历了什么，有时都觉得生不如死！
记者：你是不是对规则有什么意见？
big 4 人士：没有没有，我已经很满意了！
记者：今年的 audit 经历你自己怎么评价的？
big 4 人士：我都不相信自己能活到今天！
记者：有这么惨？會計師的利益不是都得到保护了么？
big 4 人士：可能因为我寫字寫得慢掛。
记者：感谢您犧牲下班時間，祝你日日準時放工，再见。

今個奧運，真係冇乜點睇，
但 火出嚟0既 竟然係 “洪荒之力“

這個萬能key , 真係特別，乜都可以中point


其實小弟都潛左水一排。。

做緊乜？

忙緊份正職，又重返舊路， 因為容易搵工。


之前用盡了洪荒之力搞淘寶

得到的成果就是

玩零售，冇本錢就唔好玩，網上亦如是。

經驗黎0既，唔緊要，

都為人生添了點色彩。


今日終於又來了個了斷，

再次證實， audit 呢行真係唔係我玩，

以後點算？

慢慢諗下先啦，

正所謂 山窮水盡疑無路， 柳暗花明又一村。。呵呵。。。

財務自由的反思

最近一星期，

回家途中，巴士上，

不時聽到一些很好笑的對話，

一位中年男士，坐在小弟前一個位，

安頓下來後，打電話，一黎就 噓寒問暖，

似 r 水吹，殊不知中間攝左句 “最近有咩好路數？”

露了底，應該係搵著數，

但吹下吹下，冇咩特別，

最爆0既係，佢一句

 “x你老x, 日頭曬得滯，咪唔返工囉，又唔係等錢駛”

聽落去，原來佢係做樓宇外牆維修工人或判頭0個類，

會因應唔同時間去邊度做，有陰影遮蔽就做下，

有太陽曬，就去另一邊做0甘樣。


不知讀者有何感受，

但肯定的是，佢識用腦在工作上。


其實我們對財務自由的嚮往，

是可以有選擇，未必是選擇自己喜歡的，

而是可以拒絕自己不喜歡的工作。

如果好似上述人士0甘，

又算得上財務自由嗎？

居住在功利主義的香港的 台妹

在香港生活的台灣女孩：居住在功利主義的香港，有多少台灣人願意？
轉自yahoo


時不時聽到 香港人很想逃離,

但逃離的前提是,

因為這裡找不到自我價值 還是 羊群心理, 反正就是想逃避?


逃避, 避得一時, 避不得一世,

正如 97前移民潮, 香港人大舉出外移民,

到 美, 加, 澳......做二等公民, 值得嗎?

很多人都回流回港, 始終二等公民, 很多機會都不是你的.


沒有歧視? 真係天真過 天真嬌...

當面對 大陸人, 叫他們滾回大陸的時候,

呢0的就唔係歧視?

在美,加,澳....當地人一樣會叫你滾回香港

所以





更加有趣的是, 如果一發現 某地方不好, 就逃離,

每個國家地區都有 好/不好 的一面,

是否一直逃離? 最後要上火星？

台灣的實情


至於尋找自我價值, 很多時候與工作互相緊扣

香港社會的轉型，又或者畸型，

能否在此找到工作的滿足？

視乎行業吧！

為尋找機會遠走他方，無可厚非。


文中的大義:

「我希望大家在移民之前，想一下作為香港人，你到底為香港做了什麼努力？而不是只因為看到這個地方越來越爛，所以就毅然決然跳槽。」


當然, 工作的部份 亦影響 去或留 的決定


好笑的是，而家所謂經濟差了，

仲有冇傳媒去做呢類新聞？

可以見到，真正要走的人，

其實無論如何都會走，

數字上有得統計，

羊群心理的人，而家睇怕都為左自保，

冇心情嚷著要走，你懂的。。。

贏 在 射 精 前 ？

前幾天的 大台節目，

講及催谷小朋友，

做到要 ‘ 贏在射精時’，

這位母親的理據就是

好的學校會因為 出生月份而制定配額從而收生，

所以要計劃小朋友出生日期，

往後再推算何時行房，何時受精，

所以 男性射精的一刻 已決定了小孩的人生路

小弟覺得這個理由幾好笑



落地喊三聲， 好醜命生成，

當靜下來想一想，

她說得沒有錯的，

但理由不是學校的抉擇，

而是，每人的八字，

都是 由受精日期開始計算，

出生時已經算一歲，

這就是八字派別的學說。

所以確實是贏在射精時。



有人希望贏在起跑線，

創做最有利自己孩子的成長環境，

所以不少人會擇日生產。

但生命的微妙，是預計不了。


據聞開刀生產的初生嬰兒，

欠缺了自我掙扎出來的力氣，

體質一般比較弱。

所以就算 算準了 一個會發達的八字，

都會遇上意外，who knows?


師傅教落，不會幫人擇日生產，

什麼才是對孩子好？ 沒有絕對的

自然生產比較好，

命裡有時終須有，

就算極差的命格，總有幾年好運，

不會成世都0甘差


錢多就好？

錢財多，可以身體弱，

父母緣薄，感情生活差

可以窮得淨下錢，但心底可以渴望家庭的溫暖

父母冇權替孩子決定命運，

越是計算，失去的是超乎你所想的。。

獅 吼 功

某日搭地鐵

工人姐姐帶住一個細路返學

著住幼稚園校服，

開頭工人姐姐抱住少主，

之後累了，

把少主放低，由他企在身旁，

工人姐姐同少主講，我抱左你好耐，

雙手無力了，

忽然少主大聲就扭計，

以哭非哭 的獅吼功 震撼了十三億人，

後來，

工人姐姐見到有座位，

叫少主自己坐下，

少主繼續震撼十三億人

工人姐姐只好坐下抱住少主，

到出了地鐵，工人繼續抱住少主，

不知又發生何事，

少主再度出獅吼功

之後小弟就冇眼睇了。


從中可看到，主人是如何煉成的，

交給傭人，無論男女，

大多變成 有求必應，

很多事情， 用命令/方法 就可達成

在他們腦海中， 是不用花氣力去換取，

只要開口就可以得到全宇宙。


有時客觀環境下， 夫妻要工作，

但基本的育兒 都要慢慢去教化，

不能完全交托傭人之手，

小孩只是一張白紙，

不及早播下好的種子，

出來難受的不是別人，

而是最親的親人。

令 人 不 解 的 態 度

不知道是否 跟時代脫了節

現今在職場的態度，

新人求職的時候，在面試中，

已經符合入職要求，當談到上班日期，

可以填上 3個月後，

正常情況下， 一個月後都好正常

當你有份正職， 要辭職，等一個月

誰知申請者，原因是要待去完旅行先返工

既然想去完旅行先做工， 

為何那麼早就搵工？要僱主等你 3 個月？

0甘叫預先plan 好？

但職場0既玩法唔係0甘囉……

以上是最近朋友覆述的新人見工情況


另一種令人費解的態度，

就是小學老師，

親朋戚友有人是以此為職業，

不知是個人性格問題，

還是日積月累對住學生，

對人處事，沒有一點圓滑，

以對學生的語氣來對家人，

親身聽過真係 O 0西咀，

仲要係命令式0甘滯

我不敢說是不可一世0既態度，

反正就不應該是對家人的態度

相信平時都係0甘對家人0架啦

當然，小弟心諗 你這態度夠殭同老細發出黎咩？

同恰0的唔識還手0既細路冇分別，可恥


要人做事很多方法，

要搞壞一段關係， 一兩句說話便可以，

但要搞返正， 花十倍精力都未必得

前路永沒法知道，

到真正需要人幫的時候 便見真章

要人幫， 都要靠平時0既修養，態度

當年NLP 教落，

語氣上的轉變，已經可以有重大轉變，

至少令對方易接受


當然，你覺得可以一人孤獨地生活在這世上

Your choice, go for it.

期望 與 落差

以前在澳洲讀書時，

有一個宿友， 很迷戀飛機，

成日話自己好適合做機師，

但最好笑的事， 他是讀 medical science，

（當然冇問題， 但他是有點眼高手低的人，

經常懷愐中學時代的風光， 名校生喎，唉……)

這科是我們大學出名難讀，

這位人兄，比正常花多了一年半才讀完。

畢業返港之後， 找了一輪工作，

當然他有報名及面試 香港最大航空公司 

見習機師，

最後完了他的夢，終日對住飛機，

但工作是 中東某航空公司 的 營運部的員工，

而且仲要係外派到 一處鳥不生蛋的地方， 中東


民航機師，

是令人 趨之若鶩 的職業

是他們的工作性質令人有幻想？

可以周圍飛？

可以成日在空姐堆內玩樂？

還是他們的待遇 令人覺得是 理想工作？


作為旅客，很少機會接觸機師，

只能從廣播中聽到他們的聲音，

很是神秘。


2014年的數字

Second officier 50,000

First officier 70,000

Vice Captain 90,000

Captain   140,000

http://the-sun.on.cc/cnt/news/20140216/00407_057.html

在香港生活， 這數字看起來不錯吧？

細心諗下，
這些是 未扣除 稅款及mpf

以人工 50,000為例，

稅款：

600，000 年薪

Mpf : 1500 x 12 =30,000

600,000 - 30,000 -132,000(免稅額) = 438,000

頭 120,000 交 8,500

之後就 16% (318,000 x 16%) 50,880

一年交 59,380 稅

完全可以淨袋0既：(600,000 - 59,380 - 30,000) = 510,620

每月 42,551

以今時今日，香港生活指數，

呢個數高唔高薪？

心照啦，航空公司仲要冇雙糧0架，

bonus? 可以係雞碎0甘多


個人黎講咪ok 囉

多個人要照顧， 都有點窄窄地

但可能覺得會升級搵多0的，

可以， second -> first

同樣地交完稅， 你會冇左 個半月人工，

即係出 10個月糧左右 80% 左右啦

但另一回事， 升級，唔係一定的，

據說， 可以一世做First officier 而升唔到

另一方面就是，工作要求，

經常地要評該，

無論 公司內部 或 民航處， 大量考核等住做，

盞唔盞呢？ 你話呢？


文章中提及，花十一年升上機長，

即是十年左右，薪酬會到達頂點，

之後仲有冇得再加人工？

好似冇囉……

值不值得，閣下自理，

但至少要喜歡這樣的工作環境， 才可以待這麼長時間


每個職業的頂端，薪酬都是吸引的，

但自身能力可以到達頂端嗎？

0甘就要自我評估一下，

如果只為薪酬入行，

入左去都會好快出返黎


無錯可以周圍飛，

師奶劇情中的四處玩樂？

咪玩啦，早期可能會能會係0甘

已經冇左十世，

現今航空公司只會俾機師 minimum 休息時間 24 個鐘


之後又要飛, 

可以選擇唔訓而走左玩0既，

0甘不負責任，都唔0岩做機師，

事關幾百條人命0係機師手上……


聽聞有某些航班是可以逗留耐一點，

但不常見，因為逗留是要付 allowance

航空公司當然 cut至最盡啦。。。


至於接觸空姐，

是很多男性的幻想/夢想，

是的， 機師是可以有機會接觸到，

但是否 像cool 魔那樣誇張？

據傳， 機師 高矮肥瘦， 乜都有0的

只是像普通人

（點解？ 因為經常日夜癲倒，影響肝腎功能，

所以做到機長，多數都係光頭）



為何空姐多數嫁機師？

同行，工作上的壓力可以分享，易溝通

同會計師，醫生，教師一樣， 多數情侶都是同行


當然，當上機長年薪過百萬，

是張長期飯票，但都是賭一鋪

因為空姐周圍飛，壓力不少，

同埋青春有限，好多時都想停下來

想做機師？

key 張相易0的喎

中國電子商業 的戰國時代

http://www.hksilicon.com/articles/993596

行郵稅或將提高，跨境電三大梯隊趨於穩定

電子商業呢塊肥肉， 人人都想分一杯羹

淘寶在這十年內的演進，由老翻大網到而家傾斜於品牌

有很多 淘寶店舖 都 自己帶貨入境，

大一些的店，就請 水貨客帶貨 / 組團掃貨

點解唔行正常貿易？

稅率高到你唔信 三大環節

增值稅（17%）， 消費稅（30%）， 
本身貨品稅（5%）

0甘樣搞一搞， 就 52%

所以其實，有幾多人係玩正常貿易？

你懂的

今次嚴打，

呢兩類店 最受影響，

本身 以內地居民身份，

進口 入境 是 5000 人仔以下， 

以及合理自用數量為準則

咩叫 合理自用數量？

心照啦。。。

海關嚴查下，水貨客就見光死

行郵稅 是行李及郵遞稅，


基本 5000元限額，過左就就要交稅

但要合理自用數量囉。。。

如果唔係，捉你交52% 同罰款

其實講到尾都係俾錢了事

0甘即係要再拆細 再混埋其他野運？

上有政策， 下有對策

其實會有更多水客， 

帶 2 罐奶粉， 2 pack紙尿片，5 pack面膜，5盒金莎

執好 ‘個人自用數量’ 0既貨 過關， 

check 到都係講自用0者，吹咩？

中國人最醒玩擦邊球。。

 10條友就有齊0西， 夠開鋪添

不過，有0的貨要組團由外國帶返黎， 

0個0的水客就麻煩了

要mark低 樣樣都要執0的

一團人去，要計好條數， 唔可以再 ‘任意掃貨’了

此政策好定壞？

冇絕對0既答案，

對小弟撈開0既野影響好少，

而家正在轉型當中，

呢0的野唔係好關我事

淘寶係時候汰弱留強

小賣家會好痛苦，

冇錢學咩人做零售生意呀？

但越見越多電商平台，

已經進入 戰國時代，

除了淘寶獨大， 

其他的都是不繼殺戮下去才可生存，

機會其實不少，

只是如何把握，而已

講住0甘多先。。。

初創業的苦惱

經過了半年的所謂創業,

過程中, 

不斷的嘗試失敗

是頗磨人心志

開始時的雄心壯志

到達某程度, 

便會被磨滅到 想放棄的狀態

但往往 機會在於往後的日子裡出現

18個月, 

是平均了解一個行業的時間,

小弟在這半年內, 

已經有很多人給予我 "良言"

勸我回頭是岸,

最痛苦的是 

家人 往往是第一個

出來傷害你的脆弱心靈

一定是叫你唔好再做下去,

回到工作崗位, 打死一世工

沒有支持的說話 不重要

但所謂的"關心"只著眼有盈利沒有

學習是要時間, 

學習去做一件賺錢的事 

亦不是一朝一夕

小時候叫你學習忍耐,

教你要堅持,
不可凡事向錢看

但當堅持想做的事情,

叫你放棄的是親人,

真係好嬲定好笑呢？

所以某程度上, 

小弟都建議先斬後奏,

唔駛交代0甘多,

專心做好先再算,

因為交代越清楚, 

說出來的風險一定會數之不盡

生意就係風險中搵食,

冇風險0既生意? 咪玩啦

打工都會被老細炒,

或者公司倒閉

講"冇風險0既生意"，

除非係老千0者。。。

審 計 人 員 的 勞 動 節

勞動節的意義大概是表揚勞動人士的辛勞


勞資雙方，

永遠在對立層面，


國泰的工業行動的主因，

公司賺了錢，但政策出來只是肥上瘦下，

更甚的是，很多政策出來是慢慢陰乾僱員，

工會按照情況去作出判斷，作出相應行動，

所以工會的力量，某程度上保障了勞工權益，


但哪些沒有公會的僱員呢？

便依照個人的選擇去抉擇，


就像小弟撈開的行業，審計

行業人數其實是足夠，

但偏偏很多公司會出盡辦法去搾乾搾淨

在行內，OT, 已經不是一個問題，

只是 OT 多少而已，

還要分 有補假 或補錢 的類型，

但補償多少， 如何補， 亦決定在高層


大公司， 沒錯是可以向顧客收費多一點，

但OT 完了，批不批，取決在 recovery rate

recovery rate =  total cost / audit fee

大公司多數要求 recovery eate 70~80%以上

但 charged hourly rate 係好誇張，

新人 以 12，000 計，

20日， 8 個鐘，實際即係75蚊一粒鐘

但公司寫 新人每個鐘係 150

所以，一入行，就要 被訓練 成 一個人做兩人份的工作

這樣扭曲了的心態，聽起上來沒有什麼，

但年復年， 日復日，

身心俱疲下，如何做好一份工？


香港會計師公會是有的，

但從事 審計 會計 的僱員，

很多都不是會計師

多數會計師，都是僱主，

就算不是僱主， 多是高層，

一定沒法反映真實情況


其實香港的金融業，

某程度上是靠審計 這班 無名英雄去守護

沒有他們的捱更抵夜，

年報出不了，

當然， 年報中的數字， 水份多少，

我們心裡有數，但至少有客觀數字上的比較


金融從業員， 可以有飛黃騰達的一日，

但審計人士？ 有冇聽過？

在世人眼中， 審計是一個不錯的行業

但他們只有，  OT, OT, 再 OT，

無盡黑暗的無間地獄，

以前就話， 細個唔讀書， 大個做運輸，

而家就係 今世做審計， 一定冇發圍

非 法 集 會?

某一下午, 

一大班人聚集在某商業大廈某一單位內,

年紀不一, 有的上了年紀,

有的比較年輕, 有男有女,

有的在房內, 有的在房外等待...

究竟搞緊乜?


當中有一位打扮得比較前衛, 

上身的緊身衣, 令他的肌肉線條展現出來,

令人不禁會對他的性取向有點懷疑。


他在房內忙著，

忙著向房內的十數人解釋某事情，


看著在外等待的人，

聽到到一些端倪， 

到此為了簽收某些東西


最匪夷所思的是，

此地方只是租回來的一個會議室

究竟是簽收咩野？

要搞到一大班人聚集在此？

真係毫無頭緒。。


翌日下午，

如昨日的情況又再出現，

更多人聚集等待簽收，

中年男人， 中年女人，

年輕人士， 各式各樣都有

出出入入， 好不忙碌，


有人進會議室的時候，

那些主要人士開口問，

xx, 你知唔知道你黎簽收邊間公司的優先股？


做左0甘多年account， audit，都好少接觸優先股，

好 好奇，搞乜鬼？

無啦啦整優先股，有0的野喎，

仲要0甘多人玩。。。事有蹊蹺


最後聽到他們解說 ‘拿， 會有investor loan 0既’


十不離九了，

我不敢說一定是騙案，

但一定是利用 私人公司 最大人數限制 50人，

去做類似 集體投資 的事情


至於優先股， 多數係用黎令股東安心，

至少會派定息俾佢地先



但世界邊有0甘大隻夾乸隨街跳丫？

只可以說，

神棍， 最多呃你一萬幾千，

呢類集體投資？

呃你一百幾十萬， 閒閒地

只能講句， 又一班受害人


老千講， 鬼叫你地貪心呀？

力不到， 不為財，很簡單


受害者亦不是沒有社會經驗，

但為何中招？

越窮越見鬼，

窮人成日想一朝發達，

所以老千利用此來 引誘



龐氏騙局

相信很多人都知道, 

但為何老千總是可以新瓶舊酒地一騙再騙?

原因在於 貪婪...

人性的貪心， 不勞而獲

試問有誰可以抵抗 坐著收錢 的誘惑？

淘 寶 的 現 況

一般來說,

做生意就是賺取 買賣的差價,

( I ) 同A 買貨@10 

( I I ) 賣俾 B @15

淘寶的出現, 令 ( i i ) 電子化, 

手機的普及化, 更加令淘寶加速爆發 中國的內需,

大家都知淘寶為何物, 不在此講太多...


但內裡的問題 有否想過?


1) 單一平台 

作為披荊斬棘, 生存下來的電子企業, 淘寶當然有其獨特之處,

但隨著要與世界接軌, 民眾的思想越來越成熟, 

利之所在, 亦會趨生另一些商業平台, 

中國政府, 現在比較放手給 民營企業,

當然有一定的規範, 

往後的發展應該會是, 電子平台湧現, 汰弱留強...



2)指標化, 衍生出的問題


所有賣家, 都是靠 排名 搵食,

但最重要的是 排名 是怎樣產生?

就等於 港鐵的可加可減機制 formula.......

你永遠都不會知, 因為淘寶是會隨時變 formula...


其實他們同普通街鋪冇分別,

多人排隊, 多人買野 就係好鋪,

所以 做假, 是不會熄滅的火,

絕對係 雞 同 雞蛋的關係


沒有人, 就沒有成交, 

沒有成交, 排名就低, 就沒有人


小賣家如何生存?
會不會做假?

自行判斷吧...

網上那些文章, 教你如何營運?

其實都係廢up, 鬼唔知阿媽係女人?

咩如何 "如何吸晴?" "如何提高支付率?"

我夠知0的圖 同內容要吸引先得啦...


更甚的是, 扶持小賣家的活動越來越多規則

最後如何決定你是好賣家, 從而讓你 上 官方活動?

好明顯都是分析所有數據, 

當中銷售數字是否佔大比重?

心照啦....


俾0的數據大家

即係會考要攞 B 以上, 先可以入圍 呢個 "小賣家特賣場"

所有數據, 當中銷售數字是否佔大比重?

可能未必, 但數據可以做出黎, 砌靚佢...

同我地以前AUDIT 冇分別....真係好笑

所有參賽者都要互劈至..6~10% 才可進入特賣場

因為都係好明顯 SET 好FORMULA 黎 SCREEN OUT

3)制度訂出來的標準

因為要規範化, 要解決灰色地帶,

所以, 私人名義鋪, 一定會沒落(慢慢陰乾)

所有野都要登記,

公司名ACCOUNT, 就會扶植一下,

方向就是要所有鋪徵稅,


私人鋪存在假貨, 代購, 避稅的問題, 

但其實, 上有政策, 下有對策,

禁止不是最好的解決方法.

因為道高一尺, 魔高一丈,

錢可以解決好多問題,

利誘向正常途徑才是出路...


試想如果 淘寶所有鋪都是公司ACCOUNT,

當然易控制, 但到時它的賣點, 將會是香港商場0甘樣了..

現時小弟所接觸的是...平台越來越多,

淘寶的模式, 看來會有翻天覆地的變化了....

金像獎 的 背後

今屆的金像獎, 踏雪尋梅 橫掃獎項,

可能很多人都不知道為何

最佳新演員
最佳男配角

會落在一個很陌生的名字上, 白只...

今日不去討論男主角及女主角,

因為沒看此片, 評論不了

但成功非僥倖

大家可能很少聽過 白只 這名字, 

因為他並沒有在大台演出,

亦沒有在電影出現,  

演藝學院畢業, 學院派

他的出身是 獨立樂隊的結他手, 

但在舞台劇的磨練,

成就了 他在電影 一炮而紅,


舞台劇的即興, 與觀眾及對手的互動,

比電影更要精準...


早幾年, 小弟有幸看到他的舞台劇 《囍雙飛》,

當時他的演出已經純熟自如,

已在劇界嶄露頭角,


所以今次他的得獎 絕非偶然,

是經歷了很多才換來的認同....


亦證明了, 條條大路通羅馬,

沒有大台的訓練, 到達電影這個試練場,

只要有實力, 誰都可以發光...

當然要時地人的配合, 亦係所謂的運氣…

機會是留給有準備的人。。。

煽情 的 港獨

現時 3 月尾， 距離立法會選戰 半年左右
有足夠時間發酵，之前有分析新界東補選，
其實民主 vs建制 都是 60 ：40
基本盤都冇變，
但本土派會分薄民主袋0的票

要討論 2047 命運自決，
港獨是一個選項
一個行政區去討論可否獨立？

0甘即係東京可以去討論可否獨立？
我呢0的不學無術0既人， 唔係好明囉…
請港大呢班尖子解釋下， 好嗎？


港大 雜誌 出現此類言行， 都不是第一次
城市論壇內, 有位維園阿伯講得好，
話 利用 言論及學術自由 做擋箭牌
用作煽動香港本土脆弱的心靈


公民袋就最合作，利用 恐懼，
去搏取恐共人士0既好感
背後換來什麼？
選票


城市論壇，出席的 公民袋，
有水必抽，
趁機做宣傳，其實都係為左選票，

司法覆核，經常死口唔認
只要拖到後腿， 乜都去做，
呢0的就係貢獻社會？


如果有學術研究點樣去 殺盡某島國的人，
又在雜誌發怖，公民袋會唔會支持呢？

今個星期仲要整個 香港民族黨
一黎就話否定基本法，
唔要基本法，
要咩法？
英國法？ 美國法？

仲要話香港唔係中國的，
是美國 是英國? 定係日本?
香港有曾主權獨立過?

因為利益所在，
連台灣都唔會0甘講，

大專生， 真係讀書燒壞左腦？

人地本土民主黨，都係話爭取本土票而已
你幾個大專生，搞個0甘0既野，
擺明俾人插
試下政府0既底線


本土意識唔係話唔應該要有, 
小弟覺得是應該去建設,
而不是為反而反, 

早三代在香港的原居民, 少之又少,
基本上都係移民城市,

口說自己唔係中國人是沒有意義,
你的血是便是, 
只是一個大族下的一個分支而已
要一個分支去獨立成為大族?

現今, 應該只可以去火星,
所以, 香港民族黨, 快0的去火星插旗啦....

久違了的偶像

中學時期日本偶像來港的演唱會，

睇返過往， 好似都錯過了兩次她來港的演唱會，

今次2月份已買了飛，

基本上冇update 她的歌 10年以上，

中學時代的迷上，

當時4～5年內，儲下不少戰利品，

到現在還在房間裏的一角……


演唱會內的歌 雖然大不認識，

但感覺像是重新認識了一個好耐冇見的朋友，

變化得更好， 人果然是要有歷鍊才有進步

她的歌曲已昇華到國際潮流，

不再局限於日本國內水平


當然，小弟這十年間的變化亦不少，

音樂上的追求， 已經不是當年的中學生


從聽音樂到玩音樂，

當然是不能同職業樂手比，

但喜歡音樂的類型亦多樣化了，


以前可能覺得 metal 是很吵鬧，

但深入去看， 它有一點特別之處，

就是能帶動情緒，及有時會令人減壓舒暢

所以 rock n roll never dies...


亦可能因為有rock n roll 在心裡，

有很多時，小弟思想上越來越不去遷就人，

當然這亦做成好多人唔鍾意我的做法

但人生在世，為何要為了遷就別人而改變自己呢？

人云亦云，最後自己都一舊雲……呵呵

ENJOY ROCK N ROLL......

雞蛋高牆 香港的現實

這片訴說了 雞蛋與高牆 在香港的現實

雞蛋執行高牆意志


政治從來都是一場權力鬥爭的遊戲，

背後的利益才是這遊戲的獎品……


不在位者，為了爭取所謂 ‘民意’，

一定說自己要撥亂反正，

得到權力後，便會腐化

歷史說明了人心不會變的

千百年來， 從來都是，


台灣民進黨為本土人？

上台後一樣用人唯親，

貪贓枉法，跟國民黨沒兩樣


民主？ 另一個遊戲規則而已

在選票就是一切的大前提下，

試問為何要支持你？

又是一場人性遊戲，

所謂的利益 可以是有形與無形


參選人就是用盡利誘 換取 選票（籌碼），

同對手玩一場show hand 比賽

誰能演至最後， 便是贏家， 權傾天下

之後分贓，你又知幾多？


希望政府照顧你？

你要想想，你付出了多少

想與福利國家看齊？

你可以交40%以上的稅嗎？


好多人鬧最近強行通過的工程，
爛尾的成本何人埋單？
拉布浪費時間，又何人埋單？

基佬全，就以破壞/流會 最開心，
根本就白逗人工，梗係開心到爆啦

政治沒有對與錯，
但基本的民生，
政府做事情 都有理無理地阻x住0西就有0的問題

今日仲要有港大學子 提出香港 2046後可以立國與否？

講唔掂，就推說理論上說說而已

呢0的唔係無賴係乜呢？